آسٹریلیا کیساتھ دوسرے ٹیسٹ سے پہلے قومی ٹیم کو ایک اور جھٹکا لگ گیا۔

قومی کرکٹ ٹیم کے لیفٹ آرم لیگ اسپنر نعمان علی اپینڈکس کا شکار ہونے کے باعث آسٹریلیا کے خلاف جاری ٹیسٹ سیریز سے باہر ہوگئے۔ ٓ نعمان علی کا اپینڈکس کا آپریشن کردیا گیا اور میلبرن کے اسپتال میں زیر علاج ہیں، اسپن گیند باز کو آج شام تک اسپتال سے ڈسچارج بھی ہو جائیں گے۔

گزشتہ دنوں پاکستان ٹیم کے فاسٹ بولر خرم شہزاد بھی انجری کے باعث ٹیسٹ سیریز سے باہر ہوگئے تھے۔

فاسٹ باؤلر پسلی میں فریکچر کے باعث ٹیسٹ سیریز سے باہر ہوئے، انہوں نے پہلے ٹیسٹ میچ کے دوران بائیں پسلی میں تکلیف کی شکایت کی تھی۔

یہ بھی پڑھیں:

آسٹریلیا کیخلاف ٹیسٹ سیریز کیلئے ابرار احمد کی جگہ ساجد علی کو شامل کرنے کا فیصلہ

خرم شہزاد آسٹریلیا کیخلاف ٹیسٹ سیریز سے باہر

اس کے علاوہ ٹیسٹ سیریز سے قبل پاؤں کی انجری کے شکار لیگ اسپئینر ابرار احمد بھی تین ٹیسٹ میچوں سے باہر ہوگئے تھے اور ان کی جگہ سلکشن کمیٹی نے ساجد علی کو ٹیم مٰن شامل کرنے کا فیصلہ کیا تھا۔

واضح رہے کہ پاکستان اور آسٹریلیا کے درمیان سیریز کا دوسرا پانچ روزہ میچ 26 دسمبر سے ایم سی جی میں شروع ہوگا۔