Aaj News

منگل, مئ 21, 2024  
12 Dhul-Qadah 1445  

بلا بحال، اب پی ٹی آئی کو الیکشن جیتنے سے کوئی نہیں روک سکتا، بیرسٹر علی ظفر

ہم پوری قوم کو مبارکباد پیش کرتے ہیں، پی ٹی آئی وکیل
شائع 10 جنوری 2024 02:47pm

پشاور ہائیکورٹ نے پی ٹی آئی کو بلے کا نشان واپس دے دیا ہے، جس کے بعد پی ٹی آئی کے وکیل بیرسٹر علی ظفر نے کہا ہے کہ انٹرا پارٹی الیکشن تسلیم کیا جاچکا ہے اور چیئرمین شپ بھی بحال ہوگئی ہے۔

پشاور ہائیکورٹ کے باہر میڈیا سے گفتگو کرتے ہوئے بیرسٹر علی ظفر نے کہا کہ پاکستان تحریک انصاف کو بلے کا نشان واپس مل گیا، اب پی ٹی آئی کو الیکشن جیتنے سے کوئی نہیں روک سکتا۔

بیرسٹر علی ظفر نے کہا کہ عدالت نے پی ٹی آئی کو ویب سائٹ پر نوٹیفکیشن جاری کرنے کا حکم دیا ہے، ہم پوری قوم کو مبارکباد پیش کرتے ہیں۔

ان کا کہنا تھا کہ پشاور ہائیکورٹ نے الیکشن کمیشن کا حکم کالعدم قرار دے دیا ہے، الیکشن کمیشن نے غیرقانونی طریقے سے بلے کا نشان چھینا تھا۔

انہوں نے کہا کہ پشاور ہائیکورٹ نے قانون کے مطابق فیصلے کی روایت قائم کی ہے۔

ان کا کہنا تھا کہ پشاور ہائیکورٹ کے فیصلے کے بعد کچھ نہیں رہ جاتا، الیکشن کمیشن آف پاکستان ہمارا مخالف بن گیا ہے، 15 منٹ میں بلے کا نشان ویب سائٹ پر نہ ڈالا گیا تو توہین عدالت ہوگی۔

pti intra party election

Election 2024

PTI bat symbol

Election Jan 10 2024