کراچی کے علاقے گارڈن میں رینجرز اور پولیس کی کارروائی کے دو بھتہ خورگرفتارکرلیے گئے۔

ترجمان رینجرز کے مطابق ملزمان کو بھتہ وصولی کے لیے ایران سے ہدایات دی جا رہی تھی، ملزمان میں نور محمد اور عیسیٰ شامل ہیں۔

ملزمان نے ٹمبرمارکیٹ کے دکاندارسے5 لاکھ روپے بھتہ طلب کیا تھا، آئرن اسٹورکے مالک کو واٹس ایپ پر کال کرنے والے ملزم نے اپنی شناخت وصی اللہ لاکھو کے نام سے ظاہر کی تھی۔

ترجمان کے مطابق ملزمان کی 50 ہزاربھتہ دینے پر بات طے ہوگئی تھی، انہوں نے آئرن اسٹورمالک کو اپنےملازم کے ہاتھوں رقم بھیجنے کا کہا۔ رینجرز کی خصوصی ٹیم نے جدید تکنیک کی مدد سے ملزمان کو گرفتارکرلیا۔

رینجرز ترجمان نے بتایا کہ دوران تفتیش ملزمان نے اہم انکشافات کیے، انہیں بھتہ وصولی کے لیے ایران سے ہدایات دی جا رہی تھی۔ ملزم عیسیٰ کا خاندان 3 سال سے ایران چاہ بہار میں رہائش پذیر ہے۔

ملزم عیسیٰ کا خاندان گزشتہ تین سال سےایران کے شہر چاہ بہار میں رہائش پذیر ہے، ملزمان نے ٹمبرمارکیٹ کے دکاندار سے پانچ لاکھ بھتہ طلب کیا اورپچاس ہزار میں بات طے ہوئی۔ ملزمان نے آئرن اسٹورمالک کو اپنےملازم کے ہاتھوں رقم بھیجنے کا کہا،ملزمان کورینجرز کی خصوصی ٹیم نے جدید تکنیک کے استعمال سے گرفتارکیا،

ملزمان کو مزید کارروائی کے لیے پولیس کے حوالے کردیا گیا ہے۔ دیگر ساتھیوں کی گرفتاری کے لیے چھاپے مارے جارہے ہیں۔