Aaj News

پیر, اپريل 22, 2024  
13 Shawwal 1445  

حافظ نعیم کا انٹرمیڈیٹ بورڈ آفس کے باہر دھرنا دینے کا اعلان

کوئی جان بوجھ کر شہر کے جوانوں کو پیچھے کر رہا ہے، حافظ نعیم
اپ ڈیٹ 25 جنوری 2024 12:10pm

جماعت اسلامی کراچی کے امیر حافظ نعیم الرحمان نے کل صبح 11 بجے انٹرمیڈیٹ بورڈ آفس کے باہر دھرنا دینے کا اعلان کردیا

حافظ نعیم کا کراچی میں پریس کانفرنس کرتے ہوئے کہنا تھا کہ بات کرو تو لسانی تقسیم پیدا کر دیتے ہیں، کل انٹرمیڈیٹ بورڈ کے سامنے احتجاج کیا جائے گا۔

انہوں نے کہا کہ اس وقت سب سے بڑا مسئلہ انٹرمیڈیٹ کے نتائج کا ہے، پہلے سائنس، پھر آرٹس اور اب کامرس کا رزلٹ آیا جس میں 80 فیصد طلبہ فیل ہوئے، میٹرک کے نتائج میں بھی ملتا جلتا نتیجہ آیا، ایم ڈی کیٹ امتحان دو دفعہ ہوئے، پرچہ بھی لیک ہوا، جن بچوں کے میٹرک میں 90 فیصد نتائج تھے انہیں پیپر میں فیل کردیا گیا۔

حافظ نعیم نے کہا کہ اس کا مطلب ہے کوئی جان بوجھ کر شہر کے جوانوں کو پیچھے کر رہا ہے، حکمران طبقہ کیا یہ چاہتا ہے کہ انہیں اسٹریٹ کرمنلز کے حوالے کر دیا جائے۔

حافظ نعیم کا کہنا تھا کہ وزیراعلیٰ سے سوال کیا تو انہوں نے کہا فیل ہوگئے تو کیا کروں احتجاج کس بات کا، وزیراعلیٰ سندھ کی اس بات سے بہت افسوس ہوا۔

ان کا کہنا تھا کہ کل 11 بجے انٹر بورڈ آفس پر دھرنا دے دیں گے، تمام طلبہ مارک شیٹ لے کر وہاں پہنچیں۔

حافظ نعیم الرحمان نے کہا کہ جماعت اسلامی شہر کے ہر مسئلے کو اپنا مسئلہ سمجھتی ہے، کے الیکٹرک مافیا کے خلاف صرف جماعت اسلامی میدان میں نکلتی ہے۔

انہوں نے کہا کہ کراچی کے عوام الیکشن میں سب کو مسترد کردیں گے، ہم شہر کا مقدمہ نوجوانوں کے ساتھ مل کر لڑ رہے ہیں۔

Hafiz Naeem ur Rehman

Jamat e Islami

Intermediate Board Office Dharna

Comments are closed on this story.

تبصرے

تبولا

Taboola ads will show in this div