عام انتخابات 2024 میں 12 کروڑ لوگ اپنا حق رائے دہی استعمال کریں گے، ان میں دو کروڑ نوجوان پہلی بار اپنا حق رائے دہی استعمال کریں گے، ان نئے ووٹرز کو امیدواروں اور الیکشن سے کئی توقعات ہیں اور یہ ایک بہتر پاکستان چاہتے ہیں۔

ایک نوجوان نے آج نیوز سے گفتگو کعرت ہوئے کہا کہ ’انشاء اللہ ووٹ اچھے امیدوار کو دیں گے، چاہتے ہیں ملک کے حالٹ صحیح ہوں‘۔

ایک اور نوجوان نے کہا کہ میں ووٹ ڈالوں گا، اور چاہتا ہوں کہ ہمارا ملک اسلامی جمہوریہ پاکستان اپنے نام کی طرح ترقی کرے اور ملک میں خوشحالی اور امن قائم ہوجائے۔

ایک اور نوجوان نے پہلی بار ووٹر لسٹ میں نام آںے پر خوشی کا اظہار کیا اور کہا کہ ہم یہی چاہتے ہیں یہ ملک بہتری کی طرف جائے۔

ایک نوجوان کا کہنا تھا کہ وہ پہلی بار جمہوری عمل کا حصہ بنیں گے، انہوں نے کہا کہ معاشی حالات بہت خراب ہیں، ملک میں معاشی استحکام بہت ضروری ہے۔

پہلی بار ووٹ ڈالنے والے نوجوان جمہوری عمل کا حصہ بننے پر پرجوش ہیں، نوجوان ایسے امیدوار کی تلاش میں ہیں جو پاکستان کو اندھیروں سے نکالنے کے ساتھ ساتھ روزگار کے مواقع فراہم کرے۔