Aaj News

بدھ, اپريل 24, 2024  
16 Shawwal 1445  

مچھ آپریشن مکمل: کوئٹہ سکھر قومی شاہراہ 3 روز بعد بحال

حملے کے بعد مچھ میں حالات معمول پر آرہے ہیں۔ حکام
شائع 01 فروری 2024 11:56am
فائل فوٹو
فائل فوٹو

سیکیورٹی فورسز نے بلوچستان کے علاقے مچھ اوردیگر علاقوں میں کلیئرنس آپریشن مکمل کرتے ہوئے ایک درجن سے زائد دہشت گردوں کو ہلاک اور ان کے 3 ساتھیوں کو گرفتارکرلیا۔

تین روز سے بند کوئٹہ سکھر قومی شاہراہ بدھ کے روز دوبارہ کھول دی گئی۔ شاہراہ کی بندش کی وجہ سے سیکڑوں ٹرک، مسافر کوچز اور دیگر گاڑیاں ڈھاڈر اور دیگر علاقوں میں پھنسی رہیں۔

تاہم ٹرین سروس اب بھی معطل ہیں کیونکہ دہشت گردوں نے کچھ مقامات پر پٹریوں کو نقصان پہنچایا ہے۔

حکام کا کہنا ہے کہ حملے کے بعد مچھ میں حالات معمول پر آرہے ہیں۔

آپریشن کے دوران سیکیورٹی فورسز اور محکمہ انسداد دہشت گردی کے اہلکاروں نے ایک گھر سے 7 یرغمالیوں کو بھی آزاد کرایا اور وہاں موجود تمام دہشتگردوں کو ہلاک کردیا۔

ایک رہائشی نے نام ظاہر نہ کرنے کی شرط پر بتایا کہ 40 گھنٹوں تک جاری رہنے والی فائرنگ کے تبادلے کے دوران مچھ کے لوگ بجلی کے بغیر گھروں میں رہے۔

بلوچستان کے وزیر اطلاعات جان اچکزئی نے بھی کلیئرنس آپریشن مکمل ہونے کی تصدیق کرتے ہوئے کہا کہ سیکیورٹی فورسز کے ہاتھوں ہلاک ہونے والے دہشت گردوں کی تصاویر جاری کی جائیں گی۔

مچھ حملہ: ’لاپتہ افراد کی تازہ فہرست‘

مچھ میں کالعدم بی ایل اے کے 3 منظم حملے ناکام، 7 دہشتگرد ہلاک

وفاقی وزیر کا کہنا تھا کہ مچھ شہر کا کنٹرول حاصل کرنے کا دعویٰ کرنے والی کالعدم بی ایل اے نے شکست تسلیم کر لی ہے۔

انہوں نے شاہراہ کو ٹریفک کے لئے دوبارہ کھولنے کی بھی تصدیق کی۔

بلوچستان

Jan Achakzai

Mach operation complete

mach operataion

Quetta Sukkur national highway

Comments are closed on this story.

تبصرے

تبولا

Taboola ads will show in this div