پرائے جھگڑے میں دخل دینا کبھی کبھی بہت مہنگا بھی پڑ جاتا ہے۔ بھارت کی جنوبی ریاست تامل ناڈو میں کچھ ایسا ہی ہوا ہے۔

تامل ناڈو کے علاقے پولاچی میں میاں بیوی کا جھگڑا ختم کرانے کی کوشش کرنے والے شخص کے لیے کچھ ایسی صورتِ حال پیدا ہوئی کہ اس کے ہاتھوں شوہر کا قتل ہوگیا۔

یہ واقعہ بدھ کو رونما ہوا جب 59 سالہ رادھا کرشنن کا اپنی بیوی 48 سالہ سرسوتی سے جھگڑا ہوا۔ یہ جھگڑا زمین کی فروخت سے متعلق تھا۔

جب جھگڑا زیادہ بڑھا تو 36 سالہ سِوا کمار نے بیچ بچاؤ کی کوشش کی۔ سِوا کمار نے رادھا کرشنن کی زمین کرائے پر لے رکھی ہے اور وہاں پولٹری فارم چلاتا ہے۔

رادھا کرشنن نے مبینہ طور پر درانتی سے سِوا کمار پر حملہ کیا جس کے نتیجے میں اُس کے ہاتھ پر زخم آیا۔ سِوا کمار نے درانتی چھین پر اُسے موت کے گھاٹ اتار دیا۔

سِوا کمار کو گرفتار کرکے قتل کا مقدمہ درج کرلیا گیا ہے۔

یہ بھی پڑھیں:

لاہور میں بیوی سے جھگڑے پر کلاشنکوف لوڈ کرنے والا شوہر گرفتار، ویڈیو وائرل

بلوں کی ادائیگی پر جھگڑا، چھوٹے بھائی نے بڑے کو گولی مار کر خود کشی کرلی