خیبرپختونخواہ میں پاکستان تحریک انصاف کے احتجاج کے باعث شہریوں کو شدید مشکلات، گزشتہ 6 دنوں سے صوبے کے مختلف مقامات پر احتجاجی مظاہرے کیے جا رہے ہیں۔

پاکستان تحریک انصاف کی جانب سے گزشتہ دو دنوں سے چارسدہ روڈ کو بلاک کیا ہوا ہے، جبکہ پشاور اور اسلام آباد موٹر وے بھی 3 دن سے بند ہے۔

دوسری جانب بدھ کے روز پی ٹی آئی کے رہنما تیمور سلیم جھگڑا کی موجودگی میں حیات آباد پر کیے جانے والے احتجاج کے باعث معمولات زندگی متاثر ہو رہی ہے، پشاور پریس کلب، گرینڈ ٹرنک روڈ پر بھی احتجاج کیا جا رہا ہے، جس کی قیات کامران بنگش کر رہے ہیں۔

احتجاجی مظاہرین کی جانب سے الیکشن میں ہونے والی دھاندلی کے خلاف اپنا احتجاج ریکارڈ کرایا جا رہا ہے، واضح رہے پی ٹی آئی کی جانب سے صوبائی اسمبلی کی نشستوں پی کے 72، پی 73، پی کے 74، پی کے 75، پی کے 75، پی کے 78، پی کے 79، پی کے 80، پی کے 82 سمیت این اے 20 میں دھاندلی کے الزامابات لگائے گئے ہیں۔

دوسری جانب سڑکیں اور شاہراہیں بند ہونے کے باعث شہریوں کو پریشانی کا سامنا ہے۔

اس ویڈیو میں دیکھا جا سکتا ہے کہ پاکستان تحریک انصاف کے رہنما کامران بنگش آر او آفس کے باہر احتجاجی دھرنے سے خطاب کر رہے ہیں۔