اوکاڑہ کے علاقے گوگیرہ میں 14 سالہ گھریلو ملازمہ کے ساتھ زیادتی کا واقعہ پیش آیا ہے، ملزم ساتھی کے ہمراہ اغواء کرکے تین روز تک بچی کو زیادتی کا نشانہ بناتا رہا، پولیس نے واقعے کا مقدمہ درج کرلیا ہے۔

پولیس کا کہنا ہے کہ پہلے متاثرہ بچی کی عدم موجودگی میں نامعلوم افراد کے خلاف مقدمہ درج کیا گیا، بعد میں متاثرہ بچی کے بیان پر ملزم ارسلان کو نامزد کردیا گیا۔

پولیس کے مطابق ملزم ارسلان نے ضمانت قبل از گرفتاری کرالی ہے۔

متاثرہ خاندان نے وزیراعلیٰ پنجاب محسن نقوی سے نوٹس لینے کا مطالبہ کرتے ہوئے کہا ہے کہ بااثر ملزمان کی جانب سے ڈرایا دھمکایا جارہا ہے۔