پنجاب کے علاقے پتوکی میں گزشتہ ہفتے ہوئے آن لائن ٹیکسی ڈرائیور کے اغوا اور قتل میں ملوث ملزمان کو گرفتار کرلیا گیا۔

ایس ایس پی آپریشنز علی رضا نے پریس کانفرنس کرتے ہوئے بتایا کہ 32 سالہ ٹیکسی ڈرائیور عبدالرحمٰن کی لاش 20 فروری کو پتوکی میں کھیتوں کے قریب جھاڑیوں سے ملی تھی۔

پولیس کے مطابق مقتول کے جسم پر تشدد کے نشانات تھے۔

ایس ایس پی آپریشنز نے بتایا کہ مقتول نے 19 فروری کی رات اوکاڑہ جانے کیلئے ٹیکسی بک تھی۔

اہلِ خانہ کے مطابق مقتول عبدالرحمٰن نے ساتھیوں اور اہل خانہ کو میسج کرکے بتایا تھا کہ مسافر مشکوک ہیں۔

ایس ایس پی علی رضا کے مطابق عورت سمیت تین ملزمان گرفتار کیے گئے ہیں، گرفتار ملزمان میں احمد شہزاد، احمد ارشد بہادر، کنزل اور کاشف شامل ہیں۔