Aaj News

جمعہ, اپريل 19, 2024  
10 Shawwal 1445  

بلوچستان اسمبلی کے نو منتخب اراکین نے سرفراز بگٹی کے بغیر حلف اٹھالیا

نواب ثناء اللہ اور جام کمال بھی تقریب حلف برداری میں موجود نہیں تھے
اپ ڈیٹ 28 فروری 2024 07:51pm

بلوچستان اسمبلی کے نو منتخب اراکین نے حلف اٹھالیا، تاہم، سرفراز بگٹی اپنا حلف نہ اٹھا سکے، سینئر رکن انجینئر زمرک خان اچکزئی نے ارکان سے حلف لیا۔

بلوچستان کی 12 ویں اسمبلی کا پہلا اجلاس جاری ہے، اجلاس کی صدارت اسپیکر کی عدم موجودگی پر سینئر رکن انجینئر زمرک خان اچکزئی کررہے ہیں۔

اجلاس کے دوران ایوان میں بم دھماکوں کے شہداء اور زخمیوں کی صحت یابی کے لئے دعا اور فاتحہ خوانی کی گئی۔

زمرک اچکزئی نے کہا کہ بلوچستان کے عوام نے جو اعتماد کیا اس کو پورا کریں گے، صوبے میں امن وامان کو بحال کرنے کی کوشش کریں گے۔

اجلاس کے دوران بلوچستان اسمبلی کے 58 نومنتخب اراکین نے رکنیت کا حلف اٹھالیا، زمرک خان اچکزئی نے اراکین اسمبلی سے حلف لیا۔

سرفراز بگٹی، نواب ثناء اللہ اور جام کمال تقریب حلف برداری میں موجود نہیں تھے۔

ذرائع کے مطابق سرفراز بگٹی آج بلوچستان اسمبلی میں حلف نہیں اٹھائیں گے، سرفراز بگٹی کو چند روز قبل ہاتھ پر چوٹ لگی تھی، جس کی دوسری سرجری آج ہونی ہے، ڈاکٹرز کے مشورے پر وہ سرجری کے بعد حلف اٹھانے ایک دو روز میں کوئٹہ جائیں گے۔

واضح رہے کہ سینیٹر سرفراز بگٹی نے سینیٹ کی سیٹ چھوڑ دی جبکہ بلوچستان عوامی پارٹی (بی اے پی) کے سینیٹر پرنس عمر احمد زئی نے بھی سینیٹ کی نشست سے استعفیٰ دے دیا۔

دونوں ارکان بلوچستان اسمبلی میں آج بطور ایم پی اے حلف لیں گے جبکہ اختر مینگل نے صوبائی اسمبلی کی نشست چھوڑنے کا فیصلہ کیا ہے۔

اسپیکر اور ڈپٹی اسپیکر کے انتخاب کے شیڈول کا اعلان کیا جائے گا، اسپیکر کے لیے ن لیگ کی راحیلہ درانی کے نام پر اتفاق ہوا ہے، جبکہ پاکستان پیپلز پارٹی نے غزالہ گولاکی کو بطور ڈپٹی اسپیکر امیدوار نامزد کیا ہے۔

اجلاس میں مہمانوں کے داخلے پر پابندی ہے جبکہ 300 سے زائد اہلکار سیکیورٹی پر تعینات ہیں۔

quetta

peshawar

KPK Assembly

balochistan assembly

Comments are closed on this story.

تبصرے

تبولا

Taboola ads will show in this div