کراچی کے علاقے فیڈرل بی ایریا بلاک چار میں دن دیہاڑے شہری سے دو لاکھ روپے لوٹ لئے گئے۔ پیر کو ہونے والی واردات کی سی سی ٹی وی فوٹیج سامنے آگئی۔

فوٹیج میں دیکھا جاسکتا ہے کہ تعاقب کرتے موٹرسائیکل سوار تین ملزمان نے اچانک اسلحہ کے زور پر شہری کو دبوچ لیا۔

معمولی مزاحمت پر ملزمان نے شہری کو تشدد کا نشانہ بنایا اور رقم لوٹ لی۔

واردات دیکھ کر ایک شہری بھی رک گیا، بے خوف ڈاکوؤں نے رکنے والے شہری کو بھی اسلحہ دیکھا کر پیچھے ہٹایا۔ اور واردات کے بعد فرار ہوگئے۔