Aaj News

ہفتہ, اپريل 13, 2024  
04 Shawwal 1445  

استنبول کے نائٹ کلب میں لگنے والی آگ 29 جانیں نگل گئی

ھادثے میں 8 افراد زخمی ہوئے جن میں سے 7 کی حالت تشویش ناک ہے
شائع 02 اپريل 2024 07:32pm

ترکیہ کے شہر استنبول کے ایک نائٹ کلب میں دن کے وقت مرمت کے کام کے دوران لگنے والی آگ میں کم از کم 29 افراد مارے گئے۔

ترکیہ کے سرکاری میڈیا کے مطابق استنبول گورنر کے دفتر سے جاری بیان میں کہا گیا کہ حادثے میں آٹھ افراد زخمی بھی ہوئے ہیں جن میں سے سات کی حالت تشویش ناک ہے۔

گورنر کے دفتر سے جاری بیان میں کہا گیا کہ آگ شہر کے یورپی حصے میں وسطی استنبول کے بیسیکتاس ضلع میں شروع لگی اور مارے جانے والے تمام افراد تعمیراتی کارکن تھے۔

ترکیہ کی سرکاری خبر رساں ایجنسی ”انادولو“ کا کہنا ہے کہ آگ زیر زمین واقع اس جگہ پر تزئین و آرائش کے دوران لگی۔

ترکیہ کے وزیر انصاف یلماز تنک نے ”ایکس“ پر لکھا کہ حادثے کے حوالے سے پانچ افراد کے وارنٹ گرفتاری جاری کیے گئے ہیں، جن میں تین افراد وہ شامل ہیں جو نائٹ کلب کا انتظام سنبھالتے تھے، ایک تزئین و آرائش کا ذمہ دار تھا۔

انہوں نے کہا کہ سائٹ کے معائنے اور شواہد جمع کرنے کی کوششیں جاری ہیں، اور پیشہ ورانہ حفاظت اور آگ میں مہارت رکھنے والے تین ماہرین کی ایک ٹیم بھی آگ لگنے کی وجہ کا تعین کرنے کے لیے اپنا کام جاری رکھے ہوئے ہے۔

Istanbul

turkiye

Istanbul Night Club Fire

Comments are closed on this story.

تبصرے

تبولا

Taboola ads will show in this div