علامہ اقبال انٹرنیشنل ائیرپورٹ پر برطانوی شہری پر مبینہ تشدد پر ڈائریکٹر ایف آئی اے لاہور سرفراز ورک نے واقعہ کا نوٹس لے لیا

علامہ اقبال انٹرنیشنل ائیرپورٹ پر پاکستانی نژا د برطانوی شہری پر امیگریشن کاؤنٹر کے اے ایس آئی بلال نے شدد کیا جس کے بعد ڈائریکٹر ایف آئی اے لاہور سرفراز ورک نے واقعہ کا نوٹس لیتے ہوئے امیگریشن کاؤنٹر کے اے ایس آئی بلال کو معطل کردیا ۔

ڈائریکٹر ایف آئی اے نے بتایا کہ ڈپٹی ڈائریکٹر کی سربراہی میں انکوائری ٹیم تشکیل دے دی گئی ہے جبکہ اے ایس آئی بلال سے واقعہ کا تحریری جواب بھی طلب کرلیا گیا ہے ۔ کسی شہری کے ساتھ زیادتی برداشت نہیں کی جائے گی۔

ویڈیو: دبئی ائیر پورٹ پرجعلی پاسپورٹ والوں کو کیسے پکڑتے ہیں؟

واضح رہے کہ مسافر نے دعویٰ کیا کہ امیگریشن کاؤنٹر پر موجود اے ایس آئی نے ای ویزا طلب کیا لیکن موبائل کی بیٹری ختم یو جانے پر مسافر نے پاسپورٹ نمبر سے ویزا چیک کرنے کو کہا جس پر تلض کلامی ہاتھا پائی میں تبدیل ہو گئی۔

مسافر نے دعویٰ کیا تھا کہ ایس آئی نے ان کے چہرے اور کان پر مکے مارے، جس کی وجہ سے ان کے کان سے خون نکلنے لگا تھا۔

پاکستانی نژا د برطانوی شہری نے واقعہ کی شکایت بھی سول ایوی ایشن اتھارٹی کو جمع کروائی تھی ۔