ہوائی جہاز کے مسافروں کو تو اکثر جہاز سے اتارا جاتا رہتا ہے تاہم اب ایک ایسا واقعہ بھی پیش آیا ہے جہاں مسافر طیارے کے پائلٹ کو ہی جہاز سے اتار دیا گیا ہے۔

جاپانی ائیرلائن کے پائلٹ کو نشے کی حالت میں پرواز کے لیے قدم اٹھانا مہنگا پڑ گیا ہے۔

غیر ملکی میڈیا رپورٹس کے مطابق دلاس سے توکیو جانے والی جاپانی ائیرلائن کی ۱۵۷ مسافروں والی پرواز کے پائلٹ کو نشے کی حالت میں اور غیر معمولی حرکت کرنے پر اسٹاف کو شک ہوا تھا جس کے بعد اس بات کا انکشاف ہوا کہ پائلٹ جہاز اڑانے کی حالت میں نہیں ہے۔

ٹیکساس کے مقامی ہوٹل میں پائلٹ کی جانب سے مختلف مہمانوں اور اسٹاف سے بدتمیزی کی جا رہی تھی تاہم ڈیپارچر ٹائم پر پائلٹ میں شراب کا ٹیسٹ منفی آیا تھا۔

دوسری جانب ائیر لائن کی جانب سے بیان میں کہنا تھا کہ پائلٹ اس ہوائی جہاز کو اڑانے کی پوزیشن میں نہیں ہے۔

جبکہ بروقت متبادل پائلٹ نہ ملنے کی وجہ سے پرواز کوکئی گھنٹے تاخیر کا سامنا کرنا پڑا، سی بی ایس نیوز سے بات چیت میں مسافروں کا کہنا تھا پٹھان کہ ائیرلائن کی جانب سے وجہ بتاتے ہوئے کہا گیا تھا کہ فلائٹ منسوخ ہوگئی ہے کریو ممبر کی خرابی صحت کی وجہ سے۔

ذرائع کے مطابق نامعلوم پائلٹ نے کریو ممران کے ہمراہ ڈنر کیا تھا، مبینہ طور پر اسی دوران پائلٹ کی حالت خراب ہوئی۔

جبکہ ائیرلائن کی جانب جاری بیان میں کہنا تھا کہ ہم مسافروں سے معذرت خواہ ہیں، اس موقع کی سنجیدگی سے واقف ہیں، مزید دشواری کو کم کرنے کے لیے اقدامات کیے جا رہے ہیں۔

دوسری جانب پائلٹ کے مشکوک رویے پر پولیس بھی موقع پر پہنچ گئی تھی جس نے پائلٹ کو گرفتار تو نہیں کیا البتہ تنبیہ ضرور کر دی۔