برطانیہ کی آکسفورڈ یونیورسٹی میں طلبہ نے فلسطینیوں کی حمایت میں احتجاج کیا اور یونیورسٹی انتظامیہ سےاسرائیل سےمالی معاونت ختم کرنےکامطالبہ کیا۔

عالمی میڈیا کے مطابق طلبہ احتجاج پر یونیورسٹی انتظامیہ نے پولیس کو طلب کرلیا جس کے بعد مظاہرین اور طلبہ کے درمیان جھڑپیں ہوئیں اور پولیس نے 16طلبہ کو گرفتار کرلیا۔

دوسری طرف امریکا کی یونیورسٹی آف کیلیفورنیا لاس اینجلس میں بھی طلبہ نے احتجاج کیا اور طلبہ کا بائیڈن انتظامیہ سے اسرائیل کی مالی معاونت ختم کرنےکا مطالبہ کیا۔

اس دوران مظاہرین اور پولیس کے درمیان جھڑپیں ہوئیں اور کئی طلبہ زخمی اور متعدد کو گرفتار کرلیا گیا۔ 30اپریل سےاب تک 210 فلسطین کےحامی طلبہ کو گرفتارکیا جاچکا ہے۔