پاکستان کرکٹ ٹیم کے کپتان بابر اعظم نے ٹی 20 کرکٹ میں ایک اور اعزاز اپنے نام کرلیا۔

قومی کرکٹ ٹیم کے کپتان اور ورلڈ کلاس بلے باز بابر اعظم نے اپنے کیرئیر کا ایک اور اہم سنگ میل عبور کر لیا، وہ ٹی 20 انٹرنیشنل میں 4 ہزار رنز مکمل کرنے میں کامیاب ہوگئے۔

بابر اعظم ٹی 20 انٹرنیشنلز میں 4 ہزار رنز مکمل کرنے والے پاکستان کے پہلے اور دنیا کے دوسرے بلے باز ہیں، انہوں نے یہ اعزاز انگلینڈ کے خلاف ٹی 20 سیریز کے چوتھے میچ میں پورا کیا ہے۔

بابر اعظم سے قبل بھارت کے ویرات کوہلی نے 109 اننگز میں 4 ہزار 37 رنز بنائے تھے، بابر اعظم نے 4 ہزار رنز کا سنگ میل 112 اننگز میں مکمل کیا۔

اس کے علاوہ روہت شرما 3974 رنز سکور کرکے تیسرے جبکہ پال اسٹرلنگ 3589 رنز بنا کر چوتھے نمبر پر ہیں۔

بابر اعظم ٹی20 انٹرنیشنلز میں انگلینڈ کے خلاف سب سے زیادہ رنز بنانے والے کرکٹر بھی بن گئے ہیں۔

بابر اعظم نے اپنی اننگ کے دوران 639 رنز بنانے والے ویرات کوہلی کو پیچھے چھوڑا۔