Aaj News

ہفتہ, جولائ 20, 2024  
14 Muharram 1446  

کم داؤد کی فلموں میں مسلمانوں کے منفی تاثرپر تنقید،ویڈیو وائرل

ویڈیو میں مسلمانوں کو امن پسند اور محبت کرنے والی قوم ظاہر کیا ہے
شائع 12 جون 2024 02:28pm

اسلام قبول کرنیوالے جنوبی کوریا کے گلوکار کم داؤد نے فوٹو اینڈ ویڈیو شیئرنگ ایپ انسٹاگرام پر ایک نئی ویڈیو شیئر کی ہے۔

ویڈیو کے شروع میں انہیں مسجد میں ساتھی نمازیوں سے بہت خوشگوار انداز میں ہاتھ ملاتے ہوئے دیکھا جا سکتا ہے،جبکہ ویڈیو کو اُنہیں اپنے ایک دوست کے ہمراہ اسلحہ لیے خونخوار انداز میں دیکھتے ہوئے ختم کیا ہے۔

دراصل انہوں نے مسلمانوں کے اس منفی پروپیگنڈہ کی نفی کرنے کی کوشش کی ہے کہ وہ دہشت پسند قوم ہیں یہی وجہ ہے کہ اُنہوں نے اس ویڈیو کے آغاز میں یہ بتایا ہے کہ مسلمان حقیقت میں بہت نرم مزاج اور خوش اخلاق ہوتے ہیں، لیکن انہیں اس کے بلکل برعکس پیش کیا جاتا ہے، تاکہ لوگ مسلمانوں اور مذہب اسلام سے نفرت کرنے لگیں۔ یہی پیغام انہوں نے ویڈیو کے آخر میں دیا ہے۔

کم داؤد نے اپنی پوسٹ میں ’استغفر اللّٰہ‘ بھی لکھا ہے۔

سوشل میڈیا صارفین کورین گلوکار کی اس ویڈیو میں مسلمانوں کے مثبت روپ پیش کرنے پر بہت خوش ہیں۔ اور ویڈیو کو بہت پسند کیا جا رہا ہے۔

Celebrities

lifestyle