مشرقی افریقا کے ملک یوگنڈا کے مرکزی بینک کو ہیکرز نے ایک کروڑ 70 ڈالر کا چُونا لگادیا۔ ہیکرز نے بینک آف یوگنڈا کے آئی ٹی سسٹمز تک رسائی حاصل کرکے یہ واردات کی۔

نامعلوم ذرائع کے حوالے سے یوگنڈا کے سرکاری اخبار نے بتایا ہے کہ چُرائی گئی رقم کا کچھ حصہ ہیکرز نے جاپان منتقل کیا۔

یہ بھی معلوم ہوا ہے کہ یوگنڈا کا اسٹیٹ بینک چُرائی ہوئی رقم کے نصف کی ریکوری کرچکا ہے۔ یوگنڈا کے صدر یُویری موسیوینی نے جامع تحقیقات کا حکم دے دیا ہے۔