Aaj News

ہفتہ, فروری 15, 2025  
16 Shaban 1446  

بنگلہ دیش پریمیئر لیگ میں بنگلادیشی بولر محمد نواز سے اُلجھ پڑے، ویڈیو وائرل

دونوں کھلاڑیوں کی لڑائی کو کوہلی اور سیم کونسٹاس کی لڑائی سے جوڑا جانے لگا
شائع 13 جنوری 2025 12:29pm

بنگلہ دیش پریمیئر لیگ میں کھلنا ٹائیگرز اور سلہٹ اسٹرائیکرز کے درمیان 12 جنوری کو کھیلے گئے میچ کے دوران پاکستانی کرکٹر محمد نواز اور بنگلہ دیش کے تنظیم حسن ثاقب کے درمیان جھگڑا سوشل میڈیا پر وائرل ہوگیا۔

بنگلہ دیش پریمیئر لیگ کے گزشتہ روز کھیلے گئے میچ میں سلہٹ سٹرائیکرز نے دلچسپ مقابلہ کے بعد کھلنا ٹائیگرز کو 8 رنز سے شکست دی۔

میچ کے دوران پاکستان کے محمد نواز اور بنگلادیشی باولر ایک دوسرے سے الجھ پڑے جس کے بعد دوسرے کھلاڑیوں نے بیچ بچاؤ کروایا۔

واقعہ اس وقت پیش آیا جب تنظیم حسن ثاقب نے نواز کو آؤٹ کرنے کے بعد کوئی جملہ کسا، جس کے بعد دونوں کے درمیان شدید لفظی تبادلہ ہوا۔

آسٹریلوی اخبار نے کوہلی کو جوکر بنا کر پیش کردیا، بھارت کو مرچیں لگ گئیں

جب محمد نواز 33 رنز بنا کر آؤٹ ہوئے تو تنظیم حسن ثاقب نے نواز کے سامنے آتے وقت کچھ کہا اور ان کے کندھے سے کندھا مارا جس سے دونوں آپس میں الجھ پڑے۔

واقعے کی ویڈیو سوشل میڈیا پر وائرل ہوئی تو بہت سے صارفین اس جھگڑے کو ویرات کوہلی اور سیم کونسٹاس کی لڑائی کے ساتھ جوڑنے لگے۔

واضح رہے کہ میلبورن کرکٹ گراؤنڈ (ایم سی جی) میں آسٹریلیا اور بھارت کے درمیان بارڈر گواسکر ٹرافی کے باکسنگ ڈے ٹیسٹ کے پہلے روز ویرات کوہلی نے آسٹریلوی اوپنر سیم کونسٹاس کو جان بوجھ کر کندھا مارا تھا جس کے بعد دونوں کھلاڑی کئی روز تک خبروں کی زینت بنے رہے تھے۔

virat kohli

mohammad nawaz

bangladesh premier league

Video Viral

Sam Konstas

tanzim hassan sakib

big fight