Aaj News

ہفتہ, فروری 15, 2025  
16 Shaban 1446  

ٹرمپ کے سوشل میڈیا اکاونٹس ہیک ہونے کا شبہ، حیرت انگیز پیغامات پوسٹ

ٹرمپ کی اس سوشل میڈیا پوسٹ نے کافی ہلچل مچا دی جس پر کئی سوالات بھی اٹھائے جا رہے ہیں
شائع 18 جنوری 2025 02:46pm

نومنتخب امریکی صدر ڈونلڈ ٹرمپ کے سوشل میڈیا اکاؤنٹ پر (Solana-based memecoin) کرپٹو کرنسی سے متعلق پوسٹ نے تہلکہ مچا دیا۔ مذکورہ پوسٹ میں انہیں نئی کرپٹو کرنسی کو فروغ دینے کا الزام عائد کیا جارہا ہے اور سوشل میڈیا پر اس حوالے سے سوالات اٹھائے جا رہے ہیں۔

غیر ملکی میڈیا رپورٹس کے مطابق 18 جنوری کو ڈونلڈ ٹرمپ نے اپنے ایکس اکاؤنٹ پر ”آفیشل ٹرمپ میم“ کا اعلان کیا، اور کہا کہ اب وقت آگیا ہے کہ جیت کا جشن منایا جائے۔ پوسٹ میں انہوں نے لوگوں کو اپنی کمیونٹی میں شامل ہونے کی دعوت بھی دی۔ پوسٹ کے ذریعے انہوں نے ٹرمپ میم کوائن حاصل کرنے کی ترغیب بھی دی۔

ٹرمپ کی اس سوشل میڈیا پوسٹ نے کافی ہلچل مچا دی جس پر کئی سوالات اٹھائے جا رہے ہیں یہاں تک کرپٹو انڈسٹریز بھی ٹرمپ کی پوسٹ دیکھ کر حیرانی میں مبتلا ہیں۔ اس کے بعد کئی سوشل پلیٹ فارمز پر ڈونلڈ ٹرمپ کے سوشل میڈیا اکاؤنٹس ہیک ہونے کی شبہ ظاہر کیا جا رہا ہے۔

آفیشل ٹرمپ میم کوائن اپنے آغاز کے صرف تین گھنٹے بعد $8.41 پر ٹریڈ کر رہا ہے، جس کی مارکیٹ کیپ 8.3 ڈالر بلین ہے۔ یہ ڈیٹا تجارتی پلیٹ فارم ’مون شوٹ‘ سے سامنے آیا ہے، جو میم کوائنس کی تجارت کا ایک پلیٹ فارم ہے۔ ٹرمپ نے اپنے ٹرتھ سوشل اکاؤنٹ پر بھی اپنی میم کوائن کا ​​اعلان کیا۔

میڈیا رپورٹ کے مطابق کرپٹو انڈسٹریز اس بات پر منقسم ہے کہ آیا ان پوسٹوں کے پیچھے ٹرمپ ہی تھے یا نہیں۔

رپورٹ کے مطابق بٹ کوائن کے بانی اور سی ای او میکس شوارٹمین نے حال ہی میں ڈونلڈ ٹرمپ کے میم کوائن کے فروغ سے متعلقہ پوسٹ پر بیان جاری کیا کہ اگر ٹرمپ کا اکاؤنٹ واقعی ہیک ہو گیا ہے، تو یہ کرپٹو کے لیے ان کے جوش و خروش کو نمایاں طور پر کم کر سکتا ہے جیسا کہ وہ عہدہ سنبھالنے والے ہیں، جو کرپٹو مارکیٹ کے لیے اچھا ثابت نہیں ہو گا۔

کرپٹو مبصر JRNY نے حیرانگی کا اظہار کرتے ہوئے کہا کہ ٹرمپ کی ٹیم نے صرف ایک سوشل میڈیا پوسٹ کے علاوہ ایک نئے کریپٹو کرنسی پروجیکٹ میں اپنی شمولیت کی باضابطہ تصدیق کیوں نہیں کی۔ اگر پوسٹس حقیقی ہیں، تو آپ کو لگتا ہے کہ ٹرمپ کے مشیر اس منصوبے کی قانونی حیثیت کی تصدیق کے لیے کچھ کہیں گے؟

خیال رہے یہ پوسٹس 20 جنوری کو ٹرمپ کے امریکی صدر کے طور پر حلف اٹھانے سے قبل سامنے آئی ہیں۔

واضح رہے کہ امریکہ کے سابق صدر ڈونلڈ ٹرمپ نے کرپٹو کرنسی بٹ کوائن کو مستقبل کی کرنسی قرار دیتے ہوئے کہا تھا کہ بٹ کوائن امریکہ کے 35ارب ڈالر کے قرضے کو ختم کرنے میں مدد دے سکتا ہے۔ ٹرمپ کرپٹو کرنسی کے بڑے حامی بھی ہیں۔

Donald Trump

social media

meme coin