ترجمان وزارت خزانہ کے مطابق وفاقی بجٹ 2025-26 پیش کرنے کی ممکنہ تاریخ تبدیل کرکے 10 جون کر دی گئی ہے۔ اس سے قبل وفاقی بجٹ پیش کیے جانے کی تاریخ 2 جون دی گئی تھی۔

ترجمان وزارت خزانہ کے مطابق نئے مالی سال کا وفاقی بجٹ 2 جون کو پیش کیا جانا تھا تاہم اب اس تاریخ میں تبدیلی کردی گئی ہے اور وفاقی بجٹ 2025/26 اب 10 جون کو پیش کیا جائیگا۔

ذرائع وزارتِ خزانہ کا کہنا کہ وفاقی بجٹ کی تاریخ کی تبدیلی اور تیاری کی سلسلے میں آئی ایم ایف سے بجٹ مذاکرات پر پیش رفت نہ ہو سکی، وزیراعظم نے معاشی ٹیم کو فوری طلب کر لیا۔

ذرائع وزارت خزانہ کا کہنا ہے کہ معاشی ٹیم وزیراعظم کو صورتحال سے آگاہ کرے گی، آئی ایم ایف کے ساتھ بجٹ اہداف طے کرنے کیلئے وقت درکار ہے، آئی ایم ایف مشن دورہ پاکستان میں مذاکرات مکمل ہو گئے۔

ذرائع کے مطابق پاکستان اور آئی ایم ایف کے درمیان بجٹ مذاکرات سے متعلق تفصیلی سیشن ہوئے۔ آئندہ مالی سال کے اہداف ورچوئل مذاکرات میں طے ہونے کا امکان ہے۔