پنجاب کا بجٹ کل پیش کیا جائے گا۔ گورنر پنجاب بجٹ اجلاس کا نوٹیفکیشن جاری کردیا۔ وزیرخزانہ قومی اسمبلی کے ایوان میں بجٹ منظوری کے لیے پیش کریں گے۔ اس سے پہلے کابینہ سے بجٹ کی منظوری لی جائے گی۔

پنجاب اسمبلی کا بجٹ اجلاس کل صبح دس بجے اسپیکر ملک محمد احمد خان کی زیرصدارت ہوگا۔ گورنر پنجاب سردار سلیم حیدر نے اجلاس کا نوٹیفکیشن جاری کردیا ہے۔ اجلاس میں وزیر خزانہ صوبے کا مالی سال دوہزار پچیس۔ چھبیس کا بجٹ منظوری کے لیے پیش کریں گے۔

نوٹیفکیشن کے مطابق بجٹ اجلاس سہہ پہر 3 بجے شروع ہوگا۔ اجلاس میں حکومت سالانہ بجٹ اسٹیٹمنٹ 2025-26 پیش کرے گی۔ اجلاس میں سپلیمنٹری بجٹ اسٹیٹمنٹ 2024-25 پیش ہوگی۔ اجلاس میں پنجاب فنانس بل 2025 بھی پیش کیا جائے گا۔

وزیرخزانہ کا کہنا ہے بجٹ میں کوئی نیا ٹیکس نہیں لگایا جائے گا۔ پہلے سے لاگو ٹیکسز کی وصولیوں پر توجہ دی جائے گی۔ آئندہ بجٹ بھی عوام دوست ہوگا، جس میں جنوبی پنجاب پر خصوصی توجہ دی جائے گی۔