صدرِ مملکت آصف علی زرداری نے نیول ہیڈ کوارٹرز کا دورہ کیا ہے جہاں سربراہ پاک بحریہ ایڈمرل نوید اشرف نے ان کا استقبال کیا۔

پاک فوج کے شعبۂ تعلقاتِ عامہ (آئی ایس پی آر) کے مطابق صدر مملکت آصف زرداری کو اس موقع پر پاک بحریہ کے چاک و چوبند دستے نے گارڈ آف آنر پیش کیا۔

صدر آصف علی زرداری نے یادگارِ شہداء پر پھولوں رکھے، نیول چیف نے انہیں میری ٹائم سیکیورٹی صورتِ حال سے آگاہ کیا۔

صدر آصف علی زرداری کو پاک بحریہ کی آپریشنل تیاریوں اور ’معرکۂ حق‘ میں کامیابیوں پر تفصیلی بریفنگ بھی دی گئی۔

صدر مملکت نے ’معرکۂ حق‘ کے دوران پاک بحریہ کے بھرپور ردِعمل اور غیر متزلزل عزم کو سراہا اور بھارتی جارحیت کے خلاف کامیابی سے دفاع پر پاک بحریہ کو مبارک باد دی۔

نیول چیف ایڈمرل نوید اشرف نے صدرِ مملکت کے دورے پر ان کا شکریہ ادا کیا اور اس عزم کا اظہار کیا کہ پاک بحریہ سمندری سرحدوں اور بحری مفادات کا دفاع جاری رکھے گی