وزیراعظم شہباز شریف نے فلسطینی سرزمین پر اسرائیل کے قبضے کو عالمی امن کے لیے سنگین خطرہ قرار دیتے ہوئے کہا ہے کہ ”ہمیں اس المیے کی اصل وجوہات کو نظرانداز نہیں کرنا چاہیے“۔ انہوں نے اس بات کا اعادہ کیا کہ فلسطینی عوام کے حقوق اور خودمختاری کی حمایت میں پاکستان کی پوزیشن کبھی تبدیل نہیں ہو گی۔

وزیراعظم کا کہنا تھا کہ ”قرارداد کے مطابق، فلسطینی سرزمین پر اسرائیل کا قبضہ برقرار رہنے سے امن کا قیام ایک خواب ہی رہے گا“۔ انہوں نے عالمی برادری سے اسرائیلی جارحیت کو روکنے کا مطالبہ کرتے ہوئے کہا کہ فلسطینی عوام کی امداد فراہمی میں مداخلت بند کی جائے۔

وزیراعظم شہباز شریف نے اس بات کا اعادہ کیا کہ ”ہم فلسطین کے حق میں ایک خود مختار ریاست کی تشکیل کے لیے اپنی غیرمتزلزل حمایت جاری رکھیں گے، جس کا دارالحکومت القدس الشریف ہو گا“۔

اسرائیل نے غزہ پر مکمل فوجی قبضے کا اعلان کر دیا، سیکیورٹی کابینہ نے منظوری دے دی

وزیراعظم نے اسرائیلی کابینہ کی غزہ کا کنٹرول حاصل کرنے کی منظوری کی شدید مذمت کرتے ہوئے اسے فلسطینی عوام کے خلاف جنگ میں ”خطرناک اضافے“ کے مترادف قرار دیا۔

وزیراعظم کا کہنا تھا کہ اسرائیل کی فوجی کارروائیاں ”موجودہ انسانی بحران کو مزید بگاڑ دیں گی“ اور ”خطے میں امن کے کسی بھی امکان کو ختم کر دیں گی“۔

ان کے مطابق، عالمی برادری کو اس سنگین صورتحال پر فوری ردعمل دکھانا چاہیے تاکہ فلسطینی عوام کو اپنے حقوق مل سکیں اور خطے میں امن قائم ہو سکے۔