ماڈلنگ کا شعبہ انتہائی دلکش تصور کیا جاتا ہے کیونکہ ایک طرف تو اس میں آمدنی کے کثیر مواقع موجود ہوتے ہیں تو دوسری طرف اگر آپ پرقسمت کی دیوی آپ پر مہربان ہوجائے تو آپ شہرت کی بلندی کو بھی با آسانی چھوسکتے ہیں۔

بظاہر ماڈل بننا تو آسان نظر آتا ہے اور لگتا ہے کہ ایک ماڈل گلیمرس اسٹائل میں تیار ہوکر صرف ریمپ پر کیٹ واک کرنے آجاتا ہے ،لیکن حقیقت میں ایسا نہیں ہے کیونکہ ماڈلنگ کے دوران مختلف نوعیت کے پوزیز دینا بھی واک کے دوران انتہائی ضروری شمار کیا جاتا ہے ،لیکن کب کونسا پوز کیسے دینا ہے ،اس بات کا دارومدار ماڈل کے تجربے اور ریمپ کی نوعیت پر منحصر ہے ۔

تاہم کینیڈین ماڈل کوکا روچا نے ایک فیشن میگزین کی سرورق کیلئے شوٹ کے دوران انتہائی دلکش انداز میں ماڈلنگ کے مختلف پوزیز دیئے ہیں ،لیکن کوکا روچا نے سرورق کی شوٹ کے دوران یہ تمام پوزیز محض ایک منٹ کے دوران دیئے جوکہ انتہائی دلکش تھے ۔اسکے علاوہ اس شوٹ کے دوران تمام پوزیز کی پس پردہ چلنے والی ویڈیو سے بھی انتہائی مطابقت رہی ہے۔