ہالی ووڈ باکس آفس شماریات کے مطابق صرف  بارہ اسپورٹس فلمیں ایسی ہیں جو دس کروڑ ڈالر کا سنگ میل عبور کر پائی ہیں۔آئیے ہم آپ کو ان میں سے چند فلموں کے بارے میں بتاتے ہیں۔

ریگنگ بل

شاید سب سے عظیم اسپورٹس فلم جو آپ کبھی دیکھیں گے۔ مارٹن سورسز کی زیر ہدایت بننےوالی فلم میں روپرٹ ڈی نیرو مِڈل ویٹ باکسر دِکھایا گیا ہے جو کامیابی کا زینہ چڑھنے کی راہ تلاش کرتا ہے۔

روکی

انیس سو چھہتر کی جان جی ایولڈسن کی زیر ہدایت بننے والی شاہکار اسپورٹس فلم جس میں سلوسٹر سٹیلون ہیوی ویٹ ٹائٹل کیلئے چیمپئن اپولو کریڈ سے لڑتے ہیں۔

دی ریسلر

ڈیرن آرونفسکی کی زیر ہدایت بننے والی عظیم فلم۔ فلم کی کہانی ایک ریسلر کے گرد گھومتی ہے جس نے ماضی رنگ میں عروج پر گزارا ہوتا ہےاور رنگ میں زبردست دھلائی کے بعد ریٹائرمنٹ کا فیصلہ کرتا ہے۔

رش

نکی لاوڈا اور جیمز ہنٹ نامی کرداروں کے درمیان موٹو اسپورٹس دشمنی پر مبنی فلم ، عظیم اسپورٹس فلموں میں سے ایک ہے۔

واریئر

مکسڈ مارشل آرٹس پر مبنی فلم واریئر ایکشن ڈرامہ فلم ہے ۔ ٹام ہارڈی اور جول ایجرٹن کے خوبصورت ایکشن نے فلم کو نکھار دیا ہے۔

ریممبر دی ٹائٹنز

بوز یاکن کی زیر ہدایت بننے والی فلم میں ورجینیا کے لوگوں کی زندگی میں کالج فٹبال کی اہمیت دکھائی گئی ہے۔ لیکن جب سیاہ فام اسکول کو سفید فام اسکول کے ساتھ ملا دیا جاتا ہے تو تمام حدیں پار ہو جاتی ہیں۔

دی فائٹر

بظاہر باکسنگ کو لے کر عظیم اپورٹس فلمیں بنی ہیں اور ان میں سے ایک ڈیوڈ او رسل کی زیر ہدایت بننے والی فلم دی فائٹر ہے۔ آئرش باکسر مکی وارڈ اور اسکے سوتیلے بھائی ڈکی اکلنڈ کی سچی کہانی پر مبنی فلم میں مارک وہلبرگ اور کرسچن بیل نے بالترتیب کردار نبھائے ہیں۔

ملین ڈالر آرم

ایک اسپورٹس ایجنٹ جو بیس بال اور امریکی فٹبال پلیئرز سے ڈیل کرتا ہے ، انڈیا آتا ہے اور کرکٹ کے اچھے کھلاڑیوں کو ڈھونڈتا ہے جنہیں وہ بیس بال کھیلنے کیلئے ٹرین کر سکے۔

گول ، دی ڈریم بگنز

فلم  کی کہانی لاس اینجلس کے ایک نوجوان اسٹریٹ فٹبال پلیئر کے گرد گھومتی ہے جو انگلینڈ کی ٹاپ کلاس لیگ میں نیوکیسل کلب کی نمائندگی کرنےکی راہ تلاش کرلیتا ہے۔

انونسیبل

فلیڈیلفیا کے مقامی ونس پیپیل کی سچی کہانی پر مبنی فلم میں فلیڈیلفیا ایگلز کیلئے ٹیلنٹ ہنٹ میں ونس سیلیکٹ ہوتا ہے اور اپنی پسندیدہ ٹیم کی نمائدگی کرتا ہے۔