بولی وڈ میں اب تک کئی سیاسی موضوعات اور اہم شخصیات کی زندگی پر مبنی فلمیں بنائی جا چکی ہیں لیکن  پہلی بار بھارت کے سابق وزیر اعظم من موہن سنگھ پر فلم بنائی جا رہی ہے۔

فلم 'دی ایکسیڈینٹل پی ایم' کا موضوع  بھارت کے رائٹر سنجے بارو کی متنازع کتاب سے لیا گیا ہے۔ سنجے بارو، 2004 سے 2008 تک وزیر اعظم عہنے والے من موہن سنگھ کے میڈیا ایڈوائزر رہے ہیں۔

فلم کے پروڈیوسر سنیل بوہرا کا کہنا ہے کہ یہ فلم ڈاکیومنٹری نہیں بلکہ فیچر فلم ہوگی۔ فلم کا پہلا ٹیزر 30 اگست کو منظر عام پر آنے کے امکانات ہیں۔ جبکہ فلم 2017 کے آخر تک ریلیز کر دی جائے گی۔

فلم میں رائٹر سنجے بارو کا کردار منوج واجپائی ادا کرینگےاور من موہن سنگھ کے کردار کیلئے پنجاب کے ایک نوجوان کو منتخب کیا گیا ہے۔ جبکہ راہول گاندھی اور سونیا گاندھی کے کرداروں کیلئے تلاش جاری ہے۔

بشکریہ ٹائمز آف انڈیا