پاکستان کی سب سے چمکتی دمکتی خوبصورت شام یعنی لکس اسٹائل ایوارڈز میں شوبز انڈسٹری کے تمام ستارے  نہایت خوبصورت لباس زیب تن کر کے آئے تھے۔

ہر طرف ستاروں کی چمک اور خوبصورتی بکھری ہوئی تھی ،بلاشبہ یہ شام اس سال کی سب سے خوبصورت شام تھی۔

لیکن کچھ اسٹارز ایسے بھی تھے جو منفرد نظر آنے کی چاہ میں مضحکہ خیز لباس زیب تن کر کے آئے اور واقعی میں منفرد نظر آئے۔

آئیے ان ستاروں پر نظر ڈالتے ہیں

ماورا،عروہ حسین

ماورا لکس اسٹائل ایوارڈ کی اس شام میں   کالے رنگ کا لباس پہن کر آئی تھیں جس پر گولڈن دھاریاں بنی ہوئی تھیں لیکن یہ لباس ان پر بالکل بھی نہیں جچ رہا تھا،عروہ اور ماوراہمیشہ  کافی ماڈرن لُک میں نظر آتی ہیں لیکن ان کی ڈریسنگ دیکھ کر لگ رہاتھا اس شام کیلئے انہوں نے خاص تیاری نہیں کی۔

عثمان خالد بٹ،مایا علی

یہ دونوں اداکار اپنی بہترین لُک اور لباس کے باعث فیشن کی دنیا میں الگ پہچان رکھتے ہیں،لیکن لکس اسٹائل ایوارڈ کی شام دونوں کو شاید مزید بہتر ڈریسنگ کی ضرورت تھی۔

مومل شیخ

جاوید شیخ کی بیٹی اور پاکستان کی معروف اداکارہ مومل شیخ بھی اس تقریب میں موجود تھیں،ان کا لباس سامنے کی جانب سے پلین جبکہ پیچھے کی جانب نقش و نگار بنے ہوئے تھے،اگر یہ کہا جائے کہ مومل کالباس اور میک اپ دونوں ان کی شخصیت سے میل نہیں کھا رہے تھے تو ٹھیک ہوگا۔

علی ذیشان

پاکستانی فیشن انڈسٹریز کے جانے مانے ڈیزائنر علی ذیشان منفرد نظر آنے کی کوشش میں کافی عجیب کپڑے پہن کر آئے ،جس میں وہ کنگ فو کا کردار لگ رہے تھے۔

اُشنا شاہ

اشنا کا لباس لکس اسٹائل کی تقریب کے لحاظ سے مناسب نہیں لگ رہاتھا،اسی طرح ان کا میک اپ بھی کافی سادہ اور پلین تھا۔

نور حسن

نور حسن کے لباس میں شامل کوٹ کا رنگ اس خاص شام کے لحاظ سے بالکل منفرد تھا،اس کے علاوہ ان کی ٹائی ان کے  لباس سے بالکل بھی میچ نہیں ہورہی تھی۔

سوہائے علی ابڑو

سوہائے کا شمار پاکستان کی خوبصورت اداکاراؤں میں ہوتا ہے،لیکن لکس اسٹائل کی شام ان کے لباس کو دیکھ کر اندازہ لگانا مشکل تھا کہ یہ مشرقی لباس ہے یا مغربی،جبکہ ان کی جیولری اور میک اپ کافی زیادہ تھا۔

بشکریہ: reviewit.pk