ممبئی:بولی وڈ کی ماضی کی  سب سے مشہور جوڑی کرینہ کپور اور شاہد کپور کی علیحدگی کی خبر سن کر ان کے مداحوں میں افسردگی کی لہر دوڑ گئی تھی۔

دونوں اداکاروں نے آج تک اس معاملے پر خاموشی اختیار کی ہوئی ہے،لیکن ہم نے بھی ان کی علیحدگی کی اصل وجہ دریافت کرلی ہے۔

٭ امریتا راؤ کی آمد

شاہد کپور کی  پہلی فلم 'عشق وشق 'کی ساتھی اداکارہ امریتا راؤ  دونوں کی علیحدگی کی وجہ بنیں،ابتداء میں شاہد اور امریتا ایک دوسرے کے ساتھ بہت سا وقت گزار رہے تھے اور یہ بات کرینہ کو پسند نہیں تھی۔

٭سیف بنے بہترین سامع

امریتا کی وجہ سے کرینہ شاہد سے بیحد ناراض تھیں ،اور اس وقت سیف ان کی زندگی میں ایک اچھے سامع بن کر آئے،کرینہ اپنے دل کی ہر بات،تمام دکھ درد انہیں بتانے لگیں ،اور سیف بہت توجہ سے ان کی ساری باتیں سننے لگے۔

٭سیف کا جادو

اسی دوران سیف اور کرینہ کی فلم 'ٹشن'ریلیز ہوئی  جس میں دونوں نے ایک ساتھ کام کیا تھا ،یہ ہی وہ دور تھا جب دونوں ایک دوسرے کے ساتھ زیادہ سے زیادہ وقت گزارنے لگے،اور کرینہ کی زندگی میں سیف کی اہمیت شاہد کے مقابلے میں بڑھ گئی۔

٭سیف کا کرینہ سے اظہار محبت

کرن جوہر کے مشہور پروگرام 'کافی ود کرن' میں بالآخر کرینہ نے سیف کیلئے اپنی پسندیدگی کا اظہار کردیا،کرن کی جانب سے سوال پوچھنے پر کہ اگر آپ کو کوئی ایک شخص منتخب کرنا پڑے تو کسے کریں گی؟اس پر کرینہ نے سیف علی خان کانام لے کر  تمام شواہد دور کردئیے۔

٭سیف کا کرینہ کیلئے جنون

اس عرصے میں دونوں اداکار ایک دوسرے کے اتنے قریب آگئے کہ سیف نے اپنے بازو پر کرینہ کے نام کا ٹیٹو بنوا کر اپنی بے تحاشہ محبت کا اظہار کردیا،سیف کی اس حرکت سے کرینہ بیحد متاثر ہوگئیں۔

٭کرینہ کا شاہد کیلئے اظہار لاتعلقی

بالآخر کرینہ نے شاہد کپور سے تمام تعلقات ختم کردئیے اور ہمیشہ کیلئے سیف کی ہوگئیں ،اور دونوں اداکاروں کی شادی ہوگئی۔

بشکریہ:بولی وڈ ببل ڈاٹ کام