بولی وڈ کے کنگ شاہ رخ خان کی کامیابی کا ستارہ ہمیشہ ہی عروج پر رہا ہے،جب سے انہوں نے فلموں میں قدم رکھا ہےکامیابی نے ان کے قدم چومے ہیں ۔

کنگ خان کی کامیابی میں صرف ان کی قسمت کا نہیں بلکہ کسی اور چیز کابھی ہاتھ ہے اور وہ ہے 'ٹرین'۔

جی ہاں شاہ رخ کے کامیاب کیر ئیر میں ٹرین کا کیا کردار ہے آئیے جانتے ہیں۔

دل والے دلہنیا لے جائیں گے

شاہ رخ خان کی کامیاب ترین فلم دل والے دلہنیا لے جائیں گےنے ان کے کیر ئیر کو عروج پر پہنچا دیا،فلم کا وہ سین جس میں کاجول ٹرین کے پیچھے بھاگ رہی ہیں نے فلم کی کامیابی میں اہم کردار اد اکیاتھا۔

دل سے

شاہ رخ خان کی ابتدائی کامیاب فلموں میں فلم 'دل سے' کا گا نا 'چھیاں چھیاں' آج بھی لوگوں کے ذہنوں پر نقش ہے،جس نے کنگ خان کو لازوال شہرت بخشی،یہ گانا بھی چلتی ٹرین پر فلمایا گیا تھا ،اس گانے کے بول اورشاہ رخ اور ملائکہ کا  ڈانس لوگوں نے بیحد پسند کیا تھا ۔

میں ہوں نا

بہترین کہانی اور مزاح سے بھرپور فلم 'میں ہوں نا'نے شاہ رخ کی کامیابیوں کو ایک قدم اور آگے بڑھایا ،اس فلم میں معروف کوریو گرافر اور شاہ رخ کی بہترین دوست فرح خان  نےپہلی بار ہدایت کاری کے فرائض انجام دئیے۔

فلم میں شاہ رخ کی اینٹری بہت خوبصورت دکھائی گئی ہے ،جس میں شاہ رخ  ٹرین کے دھوئیں سے نمودار ہوتے ہوئے کسی راج کمار سے کم نہیں لگ رہے۔

کچھ کچھ ہوتا ہے

نوے کی دہائی میں ریلیز ہوئی کامیاب ترین فلم 'کچھ کچھ ہوتا ہے'کولوگ آج بھی بے انتہا پسند کرتے ہیں ،اس فلم کا سب  سے جذباتی سین جب انجلی راہول کو چھوڑ کر جا رہی ہےٹرین پر ہی فلمایا گیا ہےاور فلم کے بہترین سینز میں سے ایک ہے۔

راون

اکتوبر 2011 میں ریلیز ہوئی فلم راون بچوں سمیت بڑوں میں بھی بیحد پسند کی گئی،فلم کا ایکشن سین ٹرین پر فلمایا گیا ہے جس میں شاہ رخ خطرناک قسم کے کرتب دکھاتے نظر آرہے ہیں،جسے دیکھ کر لوگوں کو اپنی دھڑکنیں بند ہوتی محسوس ہوتی ہیں۔

چنائی ایکسپریس

شاہ رخ کی کامیابیوں کا جب بھی ذکر کیا جائے گا فلم چنائے ایکسپریس کا نام لازمی شامل کیا جائے گا ،یہ فلم اس لحاظ سے بھی اسپیشل ہے کہ اس میں شاہ رخ کی کامیاب ترین فلم 'دل والے دلہنیا لے جائیں گے'کا آخری سین (جب کاجول ٹرین کے پیچھے بھاگ رہی ہیں)دوبارہ فلمایا گیا ہے لیکن مزاحیہ انداز میں ،کنگ خان کی یہ فلم بھی سپر ہٹ ثابت ہوئی تھی۔