راولپنڈی کی مقامی عدالت نے امریکی شہری میتھیو بیرٹ کوملک بدرکرنے کا حکم دیا جبکہ ایف آئی اے کے دوگرفتاراہلکاروں کی ضمانت بھی منظورکرلی ۔

راولپنڈی کی مقامی عدالت میں امریکی شہری میتھیو بیرٹ کیس اورایف آئی اے اہلکاروں کی درخواست ضمانت کی سماعت ہوئی ۔ اہلکاروں کے وکیل راجہ نذیرنے دلائل میں کہاکہ وزیرداخلہ کا سارا نزلہ چھوٹے اہلکاروں پرگررہا ہے ۔ چھ دن جسمانی ریمانڈ کے باوجود تفتیشی ٹیم کوئی ثبوت پیش نہ کرسکی ۔

 وزیرداخلہ تفتیشی آفیسرکوخود ڈائریکشن دیتے ہیں ۔ ایف آئی اے کے اسسٹنٹ ڈائریکٹرخالد نعیم نے عدالت کو بتایاکہ جرم کا آغازہوسٹن سے ہوا ۔ تاہم ایف آئی اے اہلکاروں کے خلاف رشوت لینے کا کوئی ثبوت سامنے نہیں آیا ۔

عدالت نے کہاکہ اگرایف آئی اے تسلیم کررہی ہے توپھرصرف غفلت بچ جاتی ہے ۔ عدالت نے دونوں اہلکاروں کی ضمانت منظورکرتے ہوئے دونوں ملزمان کوایک لاکھ فی کس مچلکے داخل کرنے کا حکم دیا ۔

 دوسری جانب عدالت نے میتھیوبیرٹ کوملک بدرکرنے کا حکم بھی جاری کردیا ۔