اکثر لوگوں کا وزن سردیاں آتے ہی بڑھنے لگتا ہے۔ لیکن اس حوالے سے کوئی خاطر خواہ وجہ اب تک سامنے نہیں آئی۔

چونکہ سردیاں انسان کو سست بنا دیتی ہیں اور لوگ کام کاج کے بجائے زیادہ وقت بستر میں بیٹھ کر کمبل میں ٹی وی دیکھتے ہوئے گزارتے ہیں۔

سردیوں کی سوغات بھی ایسی ہوتی ہیں جوکہ وزن بڑھنے کا سبب بنتی ہیں۔ جن میں کافی، کریمی سوپ اور ڈرائی فروٹ وغیرہ شامل ہیں۔

اس کے علاوہ بھی کئی ایسی وجوہات ہیں جن کی وجہ سے لوگوں کا وزن سردیوں میں بڑھنے لگتا ہے اور وہ وجوہات کون سی ہیں؟ آئیے جانتے ہیں۔

٭ سستی

سردیاں اپنے ساتھ سستی لے کر آتی ہیں۔ کچھ لوگ موٹے لحافوں میں بیٹھ کر اپنا سارا وقت گزارتے ہیں اور ساتھ کھانا پینا بھی چلتا ہے جس کی وجہ سے آپ کا وزن بڑھنے لگتا ہے۔ لہذا سست ہونے کے بجائے بھرپور طریقے سے روزمرہ کے کام سرانجام دیں۔

٭ موٹے کپڑے

سردیوں میں لوگ دوسرے موسموں کی بانسبت زیادہ کپڑے پہنتے ہیں، ان کپڑوں میں باڈی شیپ پتہ نہیں چلتی اور آپ کو اس بات کا احساس دیر سے ہوتا ہے کہ جسم میں اضافی چربی جمع ہوگئی ہے۔

٭ اداسی

کچھ لوگوں کا مزاج سردیوں کے موسم میں بہت اداس ہوجاتا ہے اور وہ اس کیفیت میں زیادہ کھانا شروع کردیتے ہیں۔ کھانے کی مقدار معمول سے زیادہ ہونے پر وزن بڑھنے لگتا ہے۔