ممبئی:سوشل میڈیا کے اپنے فائدے اور نقصانات ہوتے ہیں یہاں بہت سے ایسے لوگ ملتے ہیں جو نہ صرف آپ کو سپورٹ کریں بلکہ آگے بڑھنے کے لئے  حوصلہ بھی دیں۔

لیکن اسی وقت آپ کا سامنا ایسے لوگوں سے بھی ہوگا  جو سوائے تنقید کرنے کے اور کچھ نہیں کرتے،بولی وڈ اسٹارز کبھی بھی سوشل میڈیا پر کی جانے والی باتوں کو سنجیدگی سے نہیں لیتے۔

بولی وڈ کنگ شا ہ رخ خان  نے حال ہی میں مداح کی جانب سے ٹویٹر پر پوچھے جانے والے سوال  کہ آپ ان لوگوں کو کیا پیغام دینا چاہیں گے جو آپ کی آنے والی فلم"رئیس" کو تنقید کا نشانہ بنا رہے ہیں؟

خان نے اس کا جواب دیتے ہوئے کہا کہ"نفرت کا بوجھ برداشت کر نا بہت مشکل ہے۔۔محبت کیجئے"،شاہ رخ کے جواب نے ان تمام لوگوں کا منہ بند کردیا جو انہیں اور ان کی فلم کو تنقید کا نشانہ بنا رہے ہیں۔

Hate is too big a burden to bear...stick to love. https://t.co/KQBGWi6Awd

— Shah Rukh Khan (@iamsrk) January 12, 2017

یاد رہے کہ فلم رئیس رواں ماہ 25 تاریخ کو ریلیز کی جائے گی  فلم میں شاہ رخ کے علاوہ ماہرہ خان اور نوازالدین صدیقی  اہم کرداروں میں نظر آئیں گے۔

بشکریہ:بولی وڈ ببل ڈاٹ کام