٭ اجزاء:

چاول کا آٹا       300 گرام

چینی پاؤڈر        آدھا کپ

خشک دودھ       دو کھانے کے چمچ

سوجی              آدھا کپ

الائچی پاؤڈر      آدھا  کھانے کاچمچ

میٹھا سوڈا          آدھا کھانے کا چمچ

فریش دودھ         آدھا کپ

انڈے                 دو عدد

سفید تل              100 گرام

گھی                   حسبِ ضرورت(فرائی کرنےکے لئے)

٭ ترکیب:

ایک  پیالے میں چاول کا آٹا، چینی پاؤڈر، خشک دودھ، الائچی پاؤڈر، کھانے کا سوڈا اور فریش دودھ ڈال کر اچھی طرح مکس کرلیں۔اب اسے ایک گھنٹے کے لئے  کمرے کے درجہ حرارت پر  رکھ دیں۔

انڈے کی  زردی کو الگ کر کے سفیدی ایک پیالی میں نکال لیں۔اب ہاتھوں پر  انڈے کی سفیدی لگا کر بنائے ہوئے مرکب کی چھوٹی چھوٹی بالز بنا لیں۔

فرائی پین یا کڑھائی میں گھی ڈال کر اسے گرم کرلیں، بنائی ہوئی بالز پر سفید تل لگا کر   درمیانی آنچ پرگولڈن  براؤن ہونے تک فرائی کریں،اور نکال لیں۔ لذیذ اور خستہ اندرسے تیار ہیں۔