فلم ہیلی کاپٹر ایلا  کے فلمسازوں نے فلم کا ایک گانا ریلیز کیا ہے جس میں کاجول کے فلم میں ضرورت سے زیادہ فکرمندماں کے کردار کی  عکاسی کی ہے۔

عوام میں میوزک ڈائریکٹر امت تریویدی  اورگلوکار رونت سرکار کی کاوشوں کو خوب سراہا جارہا ہے۔

گانے کی شروعات کاجول اور ان کے بیٹے کے سین سے ہوتی ہے جس میں وہ اپنے بیٹے کو دھمکی دیتی ہیں کہ اگر وہ ان کے ساتھ زیادہ وقت نہیں گزارے گا تو وہ اس کا کالج جوائن کرلیں گی۔

باقی گانے میں ویوان  یہ تصور کرتا ہے کہ  اس کی ماں ہر جگہ موجود ہے۔

گانے کے بول سوانند کرکرے نے لکھے ہیں۔

فلم کے میں سنگل ماں کے جذبات کو خوبصورتی کے ساتھ پیش کیا گیا ہے۔ فلم کےٹریلر میں  ایک مزاحیہ سین ہے جس میں کاجول اپنے بیٹے کے ساتھ طالبہ کے طور پر جوائن کرتی ہیں لیکن سب انہیں ٹیچر سمجھتے ہیں۔

ماں بیٹے کی یہ جذباتی کہانی ناظرین پر اپنا اثر چھوڑنے کیلئے تیار ہے۔

فلم کی ہدایتکاری کے فرائض پرادیپ سرکارانجام دیئےہیں جبکہ فلم متیش شاہ نے لکھی ہے۔

Zee News بشکریہ