Aaj TV News

BR100 4,355 Decreased By ▼ -47 (-1.07%)
BR30 22,192 Decreased By ▼ -255 (-1.14%)
KSE100 41,767 Decreased By ▼ -407 (-0.97%)
KSE30 17,710 Decreased By ▼ -180 (-1%)
COVID-19 TOTAL DAILY
CASES 288,047 747
DEATHS 6,162 9
فائل فوٹو

پشاور ہائیکورٹ نے توہین عدالت کیس سماعت کیلئے منظور کرکے وزیراعظم عمران خان کو توہین عدالت کا نوٹس جاری کردیا۔

سابق صدر جنرل (ر)پرویزمشرف کیس میں خصوصی عدالت کے جج جسٹس وقار سیٹھ کیخلاف نازیبا الفاظ کے استعمال پر حکومت کیخلاف میاں عزیزالدین ایڈووکیٹ نے پشاور ہائیکورٹ میں توہین عدالت کیس دائر کیا تھا،کیس کی سماعت جسٹس لعل جان خٹک اور جسٹس اعجاز انور نے کی۔

درخواست گزار وکیل نے عدالت کو بتایا کہ وزراء اور اٹارنی جنرل نےجان بوجھ کرجسٹس وقارسیٹھ کیخلاف نازیبا الفاظ استعمال کئے جبکہ وزیر اعظم نے ان کیخلاف کوئی کارروائی نہیں کی،اس لئے درخواست میں فریق عمران خان ،وفاقی وزیر فواد چوہدری ،فروغ نسیم،فردوس عاشق اعوان،شہزاد اکبر اورسابق اٹارنی جنرل توہین عدالت کے مرتکب ہیں۔

عدالت نےتوہین عدالت کی درخواست سماعت کیلئےمنظور کرکےوزیراعظم عمران خان ،وزیرسائنس وٹیکنالوجی فواد چوہدری ،فروغ نسیم،فردوس عاشق اعوان،شہزاد اکبر،سابق اٹارنی جنرل کوتوہین عدالت کے نوٹس جاری کردئیے۔

پشاورہائیکورٹ نے تمام فریقین سےآئندہ سماعت پر جواب طلب بھی طلب کرلیا ۔