Aaj TV News

BR100 4,355 Decreased By ▼ -47 (-1.07%)
BR30 22,192 Decreased By ▼ -255 (-1.14%)
KSE100 41,767 Decreased By ▼ -407 (-0.97%)
KSE30 17,710 Decreased By ▼ -180 (-1%)
COVID-19 TOTAL DAILY
CASES 288,047 747
DEATHS 6,162 9
فائل فوٹو

اسلام آباد:وفاقی وزیر انفارمیشن ٹیکنالوجی سید امین الحق بھی کورونا وائرس کا شکار ہو گئے،جس کے بعد انہوں نے خود کو آئسولیٹ  کرلیا۔

وفاقی وزیر برائے انفارمیشن ٹیکنالوجی و ٹیلی کمیونیکیشن امین  الحق کا کورونا  ٹیسٹ بھی مثبت آگیا،جس کے بعد امین الحق نے خود کو پارلیمنٹ لاجز میں آئسولیٹ کرلیا۔

وفاقی وزیرامین الحق کا کہنا تھا کہ  گزشتہ ایک ہفتے سے انہیں مسلسل بخار  تھا جو ٹائیفائڈ میں تبدیل ہوگیا تھا،انہوں نے اپنا کورونا وائرس کا ٹیسٹ کروایاجس کا نتیجہ مثبت آیا ہے۔

امین الحق نے بتایا کہ  بخار محسوس ہوتے ہی خود کو آئسولیٹ کرلیا تھا ، انہوں نے عوام سے جلد صحت یابی کی دعا کی اپیل بھی کی ہے۔

واضح رہے کہ ملک میں کورونا کے کیسز میں تیزی سے اضافہ ہورہا ہے اور اب تک قومی و صوبائی اسمبلیوں کے کئی ارکان وائرس میں مبتلا ہوچکے ہیں جب کہ کچھ وائرس سے انتقال بھی کرگئے۔