Aaj TV News

BR100 4,445 Increased By ▲ 25 (0.56%)
BR30 22,731 Increased By ▲ 119 (0.53%)
KSE100 42,505 Increased By ▲ 170 (0.4%)
KSE30 18,046 Increased By ▲ 102 (0.57%)
COVID-19 TOTAL DAILY
CASES 288,047 747
DEATHS 6,162 9

لاہور ہائیکورٹ نے گندم اور چینی بحران کیس میں مسابقتی کمشن آف پاکستان سے جواب طلب کرتے ہوئے درآمد اور برآمد کا نوٹیفکیشن طلب کر لیا۔

لاہور ہائیکورٹ کے جسٹس ساجد محمود سیٹھی نے دائر درخواست کی سماعت کی۔ درخواستگزار کے وکیل نے عدالت کو بتایا کہ ملک میں گندم چینی کی قیمتیں بڑھنے پر مسابقتی کمشن نے کوئی کاروائی نہیں کی۔ بحران پیدا کرنے والے مافیا کو طاقتور حلقوں کی حمایت حاصل ہے۔ عدالت گندم اور چینی بحران کے ذمہ داروں کیخلاف کاروائی کا حکم صادر کرے۔

عدالت نے نیب کی جانب سے رپورٹ پیش نہ کرنے پر اظہار برہمی کرتے ہوئے کہا کہ اگر آئندہ سماعت پر جواب جمع نہ کروایا گیا تو چئیرمین نیب کو بھی عدالت میں طلب کیا جا سکتا ہے۔

عدالت نے مسابقتی کمشن سے گندم اور چینی کی قیمتوں میں اضافے پر جواب طلب کرتے ہوئے حکومت سے گندم اور چینی  کی درآمد اور برآمد کا نوٹفکیشن طلب کرتے ہوئے سماعت چوبیس جون تک ملتوی کر دی۔