Aaj News

اداکار سشانت سنگھ کی خودکشی کے بعد ایک اور افسوسناک خبر

بالی وڈ اداکار سشانت سنگھ راجپوت نے گزشتہ اتوار کو مبینہ طور پر...
اپ ڈیٹ 22 جون 2020 04:47pm

بالی وڈ اداکار سشانت سنگھ راجپوت نے گزشتہ اتوار کو مبینہ طور پر اپنے باندرہ کے فلیٹ میں پھندے سے لٹک کر خودکشی کرلی تھی تاہم ان کی یہ خودکشی اب تک مزید 3 افراد کی جان لے چکی ہے۔

بھارتی میڈیا رپورٹس کے مطابق سشانت سنگھ کی موت کی خبر سن کر اُن کے کزن کی اہلیہ سُدھا دیوی یہ صدمہ برداشت نہ کرسکیں اور اگلے ہی روز وہ بھی دنیا سے رخصت ہوگئی تھیں۔

سُدھا دیوی کینسر کی مریضہ تھیں، انہوں نے سشانت کی خودکشی کی خبر سن کر کھانا پینا بند کردیا تھا اور مسلسل رو رہی تھیں۔

اس کے علاوہ اب یہ خبر بھی سامنے آئی ہے کہ سشانت سنگھ کی خودکشی کے بعد اُن کے 2 مداحوں نے بھی خودکشی کے ذریعے اپنی زندگی کا خاتمہ کرلیا ہے۔

اداکار کی خودکشی کی خبر سامنے آنے پر ایک 17 سالہ نوجوان لڑکی نے پنکھے سے لٹک کر اپنی زندگی کا خاتمہ کیا جبکہ اب اتر پردیش سے بھی یہ خبر سامنے آئی ہے کہ سشانت سنگھ کے نوجوان مداح نے اداکار کی خودکشی کی خبر سننے کے بعد اپنی بھی جان لے لی۔

واضح رہے کہ خودکشی کرنے والی 17 سالہ لڑکی امتحانات میں ناکامی کی وجہ سے پہلے ہی ڈپریشن کا شکار تھی جبکہ سوشل میڈیا پر اداکار کی خودکشی سے متعلق خبریں پڑھ پڑھ کر وہ مزید دماغی دباؤ کا شکار ہوئی اور اس نے انتہائی قدم اٹھالیا۔

Comments are closed on this story.