جب آپ کسی اجنبی سے ملتے ہیں آپکو اس کی شخصیت کے بارے میں کچھ علم نہیں ہوتا اس وقت ہر شخص اپنے اندازے لگانے میں مصروف ہوتا ہے اور وہ دوسرے انسان کو جانچنے کی کوشش کرتا ہے، آج ہم آپ کو نو اہم باتیں بتائیں گے جن کی مدد سے آپ کسی بھی انسان کی شخصیت کو با آسانی جان سکیں گے۔

ہاتھ ملانے کا طریقہ

جب آپ کسی سے ملتے ہیں اور وہ شخص آپ سے پر زور طریقے سے ہاتھ ملائے یا خوش دلی کے ساتھ ملے، تو جان لیجئے کہ وہ شخص بے حد پر اعتماد ہے، اس کے بر عکس اگر کوئی شخص ہلکے اور بے دلی سے ہاتھ ملائے تو یہ انداز انسان کے اندر چھپی کمزوری کی عکاسی کرتا ہے۔

وقت کا پابند

اگر آ پ کسی شخص کے ساتھ ملاقات کے لئے کوئی وقت مقرر کریں اور وہ شخص مقررہ وقت پر پہنچ جائے تو اس کا مطلب ہے کہ وہ شخص کام کرنے کے معاملے میں بے حد سمجھدار ہے ۔

تحریر ، لکھائی

آپکی لکھائی یہ بات ثابت کرتی ہے کہ آپ کی شخصیت کس قسم کی ہے آپ بہت شرمیلے ہیں یا بہت دوستانہ مزاج، گرافولجسٹ میک نائٹ کا کہنا ہے کہ انسان کی لکھائی اس کی شخصیت کی عکاسی کرتی ہے، بڑے الفاظ والی لکھائی کرنے والے افراد بہت دوستانہ مزاج ہوتے ہیں جبکہ چھوٹی لکھائی کرنے والے افراد شرمیلے ہوتے ہیں۔

رنگ

رنگ انسان کے مزاج کی عکاسی کرتاہے جیسے کچھ لوگوں کو لال رنگ پسند ہے تو اس کا مطلب ہے کہ وہ طبعیت کے لحاظ سے ضدی ہیں جب کہ ہلکے رنگ پسند کرنے والے افراد خوش مزاج اور ہلکی پھلکی طبعیت کے مالک ہوتے ہیں۔

میوزک

ایک تحقیق سے یہ بات ثابت ہوئی ہے کہ تیز میوزک سننے والے افراد زیا دہ پر اعتماد اور دوستانہ مزاج ہوتے ہیں بر عکس ان کے جو ہلکی اور غمگین موسیقی سننے کے شوقین ہوتے ہیں۔

آنکھوں میں دیکھ کر بات کرنا
یہ بات دیکھنے میں آئی ہے کہ جو لوگ زیادہ پر اعتماد ہوتے ہیں وہ بغیر کسی چیز کا سہارا لئے زیادہ دیر تک آنکھوں میں آنکھیں ڈال کر بات کر سکتے ہیں۔ان کے مقابلے میں جن میں اعتماد کی کمی ہوتی ہے وہ کبھی بھی زیادہ دیر تک سامنے والے شخص کی آنکھوں میں آنکھیں ڈال کر بات نہیں کر سکتے۔

جانوروں کا شوق رکھنے والے افراد

جن لوگوں کو کتے پالنے کا شوق ہوتا ہے یا انہیں کتے پسند ہوتے ہیں وہ زیادہ پر جوش ہوتے ہیں بر عکس ان کے جو بلیاں پالنے کو شوقین ہو تے ہیں۔ بلیاں پالنے والے افراد بہت حساس طبعیت کے مالک ہوتے ہیں۔

سوالات پوچھنے والے افراد

کچھ لوگ بے تحاشہ سوالات کرتے ہیں۔ ایک تحقیق نے یہ بات ثابت کی ہے کہ کسی بھی شخص کے سوالات پوچھنے کی عاد ت یہ ظاہر کرتی ہے کہ آپ کے اندر لینے اور دینے کی کتنی صلاحیت موجود ہے۔

ناخن چبانے کی عادت

ایک ریسرچ سے یہ بات سامنے آئی ہے کہ جو لوگ ہر وقت اپنے ناخن چباتے ہیں، ہا اپنے بالوں کو چھڑتے رہتے ہیں ہا اپنی جلد کو نوچتے رہتے ہیں وہ کامیابی کے بہت خواہشمند ہوتے ہیں اور اسکے ساتھ بہت پریشان اور خوف زدہ بھی۔