پنجاب میں کورونا کے بڑھتے کیسز کے پیش نظر لاہور سمیت صوبے بھر میں مزید تینتیس مقامات کو بند کرنے کا فیصلہ کرلیا گیا۔

فیصلہ چیف سیکرٹری پنجاب کی زیر صدارت ہونیوالے اجلاس میں کیا گیا ہے۔

لاہورسمیت پنجاب کے مزید 33 مقامات کو سیل کرنے کا فیصلہ کرلیا گیا۔

کورونا کیسز میں اضافے کےباعث علاقوں کو سیل کرنےکاحکم بھی دے دیا گیا ہے، اجلاس میں چیف سیکرٹری پنجاب نے ایس اوپی پرعملدرآمد کرنےکاحکم دیا ہے۔

سیل ہونے والے علاقوں میں گلبرگ، ڈی ایچ اے، گلشن راوی، فیصل ٹاؤن کے علاقےشامل ہیں جبکہ گجرات، گوجرانوالا،ملتان،راولپنڈی، فیصل آباد کےعلاقے بھی سیل کیے جائیں گے۔