کاؤنٹر ٹیررازم ڈپارٹمنٹ نے ڈیرہ غازی خان میں کارروائی کرتے ہوئے کالعدم تنظیم کا ایک دہشتگرد گرفتار کر لیا۔

ترجمان سی ٹی ڈی کے مطابق خفیہ اطلاع پر ڈیرہ غازی خان کے تھانہ دراہمہ کی حدود میں کارروائی کی گئی جس میں کالعدم تنظیم کے ایک دہشتگرد کو گرفتار کیا گیا۔

ترجمان کے مطابق گرفتار دہشتگر قیصر عباس کا نام پولیس کو انتہائی مطلوب دہشتگردوں کی لسٹ میں بھی شامل تھا جو ڈیرہ غازی خان میں حساس مقامات پر حملے کی پلاننگ میں مصروف تھا۔

سی ٹی ڈی حکام کے مطابق گرفتار دہشتگرد سے 2 دستی بم، پستول اور گولیاں بھی برآمد کی گئیں ہیں۔