قوت مدافعت کی مضبوطی کورونا وائرس سے بچاﺅ کے لیے ناگزیر ہے اور اب تک درجنوں تحقیقات میں سائنس دان لوگوں کو ہدایت کر چکے ہیں کہ وہ قوت مدافعت کو مضبوط کرنے میں معاون غذائی اشیاء و عوامل کو اپنائیں۔

قوتِ مدافعت کو مظبوط کرنے میں پوری نیند بھی اہم کردار ادا کرتی ہے، لیکن تحقیق کاروں نے اُس وٹامن کا بھی پتہ لگا لیا ہے جو کوروناوائرس سے بچاؤ کا سبب بن سکتا ہے۔

وٹامن ڈی کا استعمال کورونا وائرس کے مرض میں مبتلا ہونے سے بچا سکتا ہے۔ اب یورپی ملک بیلجیم کے سائنس دانوں نے بھی وٹامن ڈی کے سپلیمنٹس کو کورونا وائرس سے لڑنے کا آسان اور سستا طریقہ قرار دے دیا ہے۔

ہزاروں لوگوں پر کی گئی اس تحقیق کے نتائج میں معلوم ہوا کہ جن لوگوں میں وٹامن ڈی کی کمی تھی ان میں کورونا وائرس کی علامات سنگین ہونے کا خطرہ 5 گنا زیادہ تھا۔

انڈونیشیئن ماہرین نے بھی اس تحقیق میں وٹامن ڈی کو کورونا وائرس کے حوالے سے ’لائف سیور‘ قرار دیا ہے

برسلز فری یونیورسٹی کے سائنسدانوں نے نئی تحقیق میں بتایا ہے کہ جو لوگ وٹامن ڈی کے سپلیمنٹس کا استعمال کرتے ہیں ان میں کورونا وائرس کی علامات زیادہ سنگین ہونے کا خطرہ بہت کم ہوتا ہے۔