Aaj TV News

COVID-19 TOTAL DAILY
CASES 253,604 0
DEATHS 5,320 0
Sindh 106,622 Cases
Punjab 87,492 Cases
Balochistan 11,192 Cases
Islamabad 14,202 Cases
KP 30,747 Cases

ترکی کے عظیم شہر کینا کلی میں واقع لکڑی کا بنا گھوڑا لوگوں کی نگاہوں کا مرکز رہا ہے، جہاں لوگ بڑی تعداد میں ترکی کا رخ کرتے ہیں وہ اس مقام پر ضرور جا کر قیام کرنے کو پسند کرتے ہیں۔

کینا کلی شہرکا نام 1184 قبل از مسیح میں ٹرائے ہوا کرتا تھا جس کو فتح کرنے کیلئے یونان کی فوج نے کئی حملے کیے لیکن ان کو ناکام لوٹنا پڑا، ایک موقع یہاں تک آیا کہ 10 سال تک بھی یونان کی افواج نے اس جگہ کا محاصرہ کیا تاہم ناکام رہیں۔ اس موقع پر یونانیوں نے ایک جنگی چال چلتے ہوئے ایک بہت بڑا لکڑی کا گھوڑا بنایا جس کا نام (ٹروجن ہارس) رکھا گیا۔

کینا کلی میں واقع  ٹروجن ہارس
کینا کلی میں واقع ٹروجن ہارس

لکڑی کا بنایا گیا گھوڑا (ٹروجن ہارس) اندر سے بلکل کھوکلا یا خالی تھا اس میں اپنے سب سے بہترین جنگجو اور سپاہی تعینات کردیئے باقی فوجی چپکے سے شہر کی فصیل سے دور چلے گئے، ٹرائے شہر کے باسیوں نےسمجھا کہ شاید یونانی ناکام لوٹ گئے اور پسپا ہوتے ہوئے گھوڑا پیچھے چھوڑ گئے ہیں، وہ اسے مال غنیمت سمجھ کرشہر کے اندر لےآئے۔

قدیم ٹروجن چال کا ایک  خاکہ
قدیم ٹروجن چال کا ایک خاکہ

رات کو جب سارا شہر سو چکا تو یونانی فوجی ٹروجن ہارس (لکڑی کے گھوڑے) سے باہرنکل آئے اور شہرکے دروازے کھول دئیے، یونانی فوج واپس آئی اور شہر پر قبضہ کرلیا۔

ٹروجن ہارس پر ہالی ووڈ نے سال 2004 میں فلم بھی بنائی جو کامیاب رہی جبکہ اس لکڑی کے بنے عظیم شاہکار کو 1998 میں یونیسکو نے عالمی ثقافتی ورثے کا درجہ دیا۔