پاکستان نے بھارتی فوج کی درندگی کو عالمی سطح پر اٹھانے کا اعلان کردیا،ترجمان دفترخارجہ عائشہ فاروقی نے آج نیوز سے خصوصی گفتگو کی۔

گفتگو میں انہوں نے کہا مقبوضہ کشمیر سے بچے کی جو ویڈیو اورتصویر سامنے آئی ہے وہ انتہائی دالخراش ہے،بہت تکلیف ہوئی۔مقبوضہ کشمیر میں قابض فوج نے تمام حدیں پارکردیں۔

عائشہ فاروقی کا کہنا تھا کہ آج کے واقعے سے ثابت ہوگیا کہ بھارت کے لیے انسانیت اورانسانی قدروں کی کوئی حیثیت نہیں ہے۔ معاملے کو عالمی سطح پراُٹھایا جائے گا۔

انہوں نے مطالبہ کیا کہ عالمی برادری بھارت کوپابند کرے کہ وہ انسانی حقوق کی خلاف ورزیاں بند کرے۔

عائشہ فاروقی کاکہنا تھا کہ بچے کے سامنے دادا کو مارناسفاکیت کی انتہا ہے، مقبوضہ کشمیر میں قابض فوج نے تمام حدیں پارکردیں۔