لاہور کی احتساب عدالت نے پیراگون ہاؤسنگ سوسائٹی کیس میں آج ایک گواہ پر جرح مکمل کرلی۔ دیگر گواہان کو طلب کرتے ہوئے عدالت نے سماعت ملتوی کردی۔

احتساب عدالت لاہور کے جج جواد الحسن نے کیس پر سماعت کی۔وعدہ معاف گواہ قیصر امین بٹ کو ایمبولینس میں احتساب عدالت لایا گیا۔

قیصر امین بٹ کے وکیل نے استدعا کی کہ ان کے موکل کورونا کی وجہ سے بیان دینے کے قابل نہیں۔

احتساب عدالت کے جج نے دیگر گواہ پر جرح کےلئے خواجہ برادران کے وکیل کے پیش نہ ہونے پر ناراضگی کا اظہار کیا۔

عدالت نے خواجہ برادران کو جانے کی اجازت دے دی جس کے بعد کیس کی مزید سماعت 19 اگست تک ملتوی کر دی گئی۔