گلوکار سلمان احمد کو بلاول بھٹو کا مذاق اُڑانا مہنگا پڑگیا
پاکستان کے معروف گلوکار سلمان احمد کو پاکستان پیپلز پارٹی کے چیئرمین بلاول بھٹو زرداری کا مذاق اُرانا مہنگا پڑگیا۔
تفصیلات کے مطابق سلمان احمد نے گزشتہ روز بلاول بھٹو زرداری کی ایڈٹ شدہ تصویر سوشل میڈیا پر پوسٹ کرتے ہوئے تنقید کا نشانہ بنایا تھا جس پر میڈیا انڈسٹری سے وابستہ کئی شخصیات نے اُنہیں آڑے ہاتھوں لیتے ہوئے معافی کا مطالبہ کردیا۔
انہوں نے چیئرمین پی پی کی تدوین شدہ ایسی تصویر شیئر کی تھی جس میں اُنہیں خاتون سے تشبیہ دی گئی تھی اور ساتھ ہی کیپشن درج کی کہ 'ڈیئر ڈائری، جدوں گیدڑ دی موت آندی اے، او شہر وال نسدا اے'۔ یعنی جب گیدڑ کی موت آتی ہے تو وہ شہر کی جانب بھاگتا ہے۔
Blockquote
Dear Diary, jadon geedar di maut aandi aye, o shehr wal nassda aye. https://t.co/zh7z76TnSb pic.twitter.com/cuarrMjaQS
— salman ahmad (@sufisal) July 14, 2020
معروف ٹی وی میزبان وسیم بادامی نے اس ٹویٹ پر جواب دیتے ہوئے لکھا کہ 'سلمان بھائی افسوس، بہت افسوس، سیاسی رائے سے بھرپور اختلاف کریں لیکن یہ کیا۔۔'
Blockquote
Salman Bhai. Sad. Really sad.
— Waseem Badami (@WaseemBadami) July 14, 2020
سیاسی راے سے بھرپور اختلاف کریں۔ مگر یہ کیا۔۔
ایک اور معروف اینکر پرسن ناجیہ اشعر نے لکھا کہ 'اپنے حریف کو نیچا دکھانے کے لیے ایک مرد کو عورت سے تشبیہ دیکر مردانگی دکھانا، عورت کی تذلیل کرنا، دراصل وہ گھٹیا سوچ ہے جو تعلیم یافتہ مہذب معاشرے میں بھی پروان چڑھتی رہی ہے۔'
Blockquote
اپنے حریف کو نیچا دکھانے کے لیے ایک مرد کو عورت سے تشبیہ دیکر مردانگی دکھانا، عورت کی تذلیل کرنا، دراصل وہ گھٹیا سوچ ہے جو تعلیم یافتہ مہذب معاشرے میں بھی پروان چڑھتی رہی ہے۔ https://t.co/tBWx5br3lI
— Najia Ashar (@najiaashar) July 14, 2020
اقرار الحسن نے لکھا کہ ' ابھی مشہور سنگر سلمان احمد کے ٹوئیٹر اکاؤنٹ سے ٹوئیٹ کی گئی بلاول بھٹو زرداری کی ایک فوٹو شاپڈ تصویر دیکھی، جسے میں مینشن بھی کرنا بد تہذیبی سمجھتا ہوں۔'
Blockquote
ابھی مشہور سنگر سلمان احمد @sufisal کے ٹوئیٹر اکاؤنٹ سے ٹوئیٹ کی گئی بلاول بھٹو زرداری کی ایک فوٹو شاپڈ تصویر دیکھی، جسے میں مینشن بھی کرنا بد تہذیبی سمجھتا ہوں۔ کسی کی تضحیک کی غرض سے اُسے دوسری صنف میں شامل کرنا انسانیت کی توہین ہے، سلمان احمد کو اسےڈیلیٹ کرکے معذرت کرنی چاہئے
— Iqrar ul Hassan Syed (@iqrarulhassan) July 14, 2020
انہوں نے مزید لکھا کہ 'کسی کی تضحیک کی غرض سے اُسے دوسری صنف میں شامل کرنا انسانیت کی توہین ہے، سلمان احمد کو اسےڈیلیٹ کرکے معذرت کرنی چاہئے'۔
سینئر اینکر پرسن عاصمہ شیرازی نے بھی سلمان احمد کے اس عمل کی سختی سے مذمت کی اور اسے شرمناک عمل قرار دیا۔
Blockquote
Sickening, Disgusting, disgraceful, shameful .... condemned.
— Asma Shirazi (@asmashirazi) July 15, 2020
واضح رہے کہ گلوکار سلمان احمد حکمراں جماعت پاکستان تحریک انصاف کے سپورٹر ہیں اور اکثر پاکستان پیپلز پارٹی کو تنقید کا نشانہ بناتے رہتے ہیں۔
Comments are closed on this story.