پاکستان میں اسلام کونہ ٹک ٹاک سےخطرہ ہےنہ ہی کتابوں سے،فوادچوہدری
اسلام آباد:وفاقی وزیرسائنس وٹیکنالوجی فواد چوہدری کا کہنا ہے کہ پاکستان میں اسلام کو نہ ٹک ٹاک سے خطرہ ہےنہ ہی کتابوں سے۔
پنجاب اسمبلی میں پاس کئے جانے والے ایک قانون سے متعلق وفاقی وزیرفواد چوہدری نے سماجی رابطے کی ویب سائٹ ٹوئٹر پر اپنے ٹویٹ میں کہا کہ میں نے یہ قانون نہیں پڑھا لیکن اس وقت پارلیمان خصوصاً پنجاب میں ایسا ماحول بنا دیا گیا ہے کہ ہر ممبر روزانہ ایک نئی تحریک لے کر آتا ہےاوربتایا جاتا ہے اگر یہ نہ ہوا تو اسلام خطرے میں ہے۔
فواد چوہدری نے مزید کہا کہ یہ خطرناک رویہ ہے، اس سے ہم فرقہ ورانہ اور مذہبی شدت پسندی کے گرداب میں دھنستے چلے جائیں گے۔
یہ قانون نہیں پڑھا لیکن اس وقت پارلیمان خصوصاْ پنجاب میں ایسا ماحول بنا دیا گیا ہے کہ ہر ممبر روزانہ ایک نئ تحریک لے کر آتا ہے اور بتایا جاتا ہے اگر یہ نہ ہوا تو اسلام خطرے میں ہے، یہ خطرناک رویہ ہے اس سے ہم فرقہ ورانہ اور مذھبی شدت پسندی کے گرداب میں دھنستے جائیں گے https://t.co/cwthNWkuAG
— Ch Fawad Hussain (@fawadchaudhry) July 26, 2020
وزیرسائنس وٹیکنالوجی کا کہنا تھا کہ پاکستان میں اسلام کو نہ ٹک ٹاک سے خطرہ ہےنہ ہی کتابوں سے،ہاں ہمیں فرقہ ورانہ بنیادوں پر تقسیم سے خطرہ ہے اور شدت پسندی سے خطرہ ہے،محلوں میں مقید حضرات احتیاط کریں ،ایسی آگ کو ہوا نہ دیں کہ خود جل جائیں۔
پاکستان میں اسلام کو نہ TikTok سے خطرہ ہے، نہ ہی کتابوں سے ہاں ہمیں فرقہ ورانہ بنیادوں پر تقسیم سے خطرہ ہے اور شدت پسندی سے خطرہ ہے۔ محلوں میں مقید حضرات احتیاط کریں ایسی آگ کو ہوا نہ دیں کہ خود جل جائیں۔۔۔
— Ch Fawad Hussain (@fawadchaudhry) July 26, 2020
Comments are closed on this story.