کراچی میں بارش کے بعد متعدد علاقوں میں بجلی بند
کراچی میں موسلا دھار بارش ہوئی تو کے الیکٹرک نے بھی روایت کے مطابق مختلف علاقوں میں بجلی بند کردی۔ بجلی غائب ہونے سے واٹربورڈ کے اہم پمپنگ اسٹیشنز، دھابیجی، گھارو اور پپری پمپنگ اسٹیشنز سے کراچی کو پانی کی فراہمی بھی بند ہوگئی ہے۔
کراچی میں بارش ہوتے ہی کے الیکٹرک کی جانب سے شہر بھرمیں بجلی کی فراہمی بند کردی گئی۔
بارش کی بوند پڑتے ہی گلشن اقبال، گلستان جوہر،صفورا اور موسمیات میں بجلی غائب ہوگئی۔
کے الیکٹرک نے لیاقت آباد، فیڈرل بی ایریا، سہراب گوٹھ ،صدر، ٹاور، گارڈن، اولڈسٹی ایریامیں بھی بجلی بند کر کے بارش کا مزہ کرکرہ کردیا۔
ملیر،شاہ فیصل، ماڈل کالونی کلفٹن، ڈفینس، لانڈھی، کورنگی، اورنگی اور سائٹ میں بھی کے الیکٹرک کی مہربانی سے اندھیرا چھا گیا۔
واٹربورڈ کے اہم پمپنگ اسٹیشنز، دھابیجی،گھارو اور پپری پمپنگ اسٹیشنز پر بھی بجلی کی فراہمی بند ہونے سے کراچی کے شہریوں کو پانی فراہمی رک گئی ہے۔
ایم ڈی واٹربورڈ نے کراچی والوں کیلئے ہدایت جاری کردی کہ شہری پانی احتیاط سے استعمال کریں۔
Comments are closed on this story.